الله اكبر شفت هالدنيا شلون ؟
يا كثر ما بان شيٍ نجهله
كم رسمنا احلام ، كم عشنا ظنون
لكن الواقع ... محد يتخيّله !
ما يخون الوقت حنا اللي نخون
وما يموت الحبّ ... حنّا نقتله !
بيدنا خنجر وداخلنا طعون
نستلم جرحٍ .. وجرحٍ نرسله !
يا حبيبي ما تمون ولو تمون
بعض الأشيا فوق ما نتحمله
لو تكون الليل حاول ما تكون
ريح تطفي شمعي ان جيت اشعله
حاول تشوف اللي تخفيه العيون
ألف اجابة فيني تحتاج اسئلة
فيني من الشوق مالا يعلمون
كلّ طيف يجدّده ... ويدبّله !
كلّ ما حاولت اخون وما اصون
مرّني طيفك .. وافزّ بشوق له
معك احاسيسي يروحون ويجون
كل مكانٍ تنزله ... هي تنزله
لو قسى قلبي ترا قلبي حنون
أيّ كلمة منك ممكن تخجله
بسّ حذرك هالمحبة لا تهون
الوفي لا راح صعبٍ توصله
11July 9, 2026 242 3 1
