عزيزي التربوي اذا مابش عندك صبر على الأطفال، لا تشتغل في مكان تربوي وتعقدهم وتخرب نفسيتهم.
لا تشتغليش أستاذة وانتي مبوسرة، وحياتش التعيسة اللي بتعيشيها في البيت مع زوجش وعيالش لا تجي تعكسيها في المدرسة على ابنائنا.
إذا احنا بأنفسنا مابنسخى نزعل أطفالنا في البيت، انتي بكل جرأة وبجاحة تزعلي ابني وتضربي نفسيته، وتشتي أولياء الأمور يتغاظوا؟ والله مابلا ينتفوا حواجبش
لأن الطفل مش ورقة تجارب لنفسية المعلم، ومش من حق أي أستاذ أو أستاذة يستخدم سلطته عشان ينتقم من الطلاب أو يفرغ غضبه فيهم.
الطفل ممكن ينسى الدرس ، لكن ممكن ما ينساش كلمة جارحة ، سخرية قدام زملائه ، مقارنة مهينة ، أو ضربة كسرت ثقته بنفسه.
المعلم اللي يهين طالب ، يخوفه ، يسخر من شكله أو مستواه ، أو يخليه يكره المدرسة… هذا مش «مربي»، هذا شخص محتاج من يربيه، يراجع نفسه قبل ما يمسك مستقبل أطفال الناس.
التعليم مش بس حروف وأرقام؛ التعليم أمانة، والطفل اللي يدخل المدرسة واثق من نفسه المفروض يخرج منها أكثر ثقة، مش مكسور النفسية.
فإذا ما عندك صبر على الأطفال، اترك مهنة التعليم لمن يعرف قيمة الأمانة… لأنك تتعامل مع طفل، مش مع شخص بالغ يقدر يدافع عن نفسه.
✿ اتحفونا بأرائكم لهانا @ALFkamah
ولـهذا البوت @ALFkamah2_bot
August 15, 2026 33
