💠 #گون_آیدین، هموطنلر
داریخماق ان آغیر موحاریبهدیر،
گوجلو جان ایستهییر، جانلی دایانات.
بلکه ده آرزولار جاندان یان گئدیر،
غوربت یاشاماقلا جان چکیر حیات.
یامان آواراییق ایستر، ایستهمز،
تانینماز اؤلکهیه چکیر تنهالیق.
یاشاییب دردینی کیمسهیه دئمز،
دنیز قوجاغیندا آغلایان بالیق.
بوردا کوچه اؤزگه، دووار سویوقدور،
بوردا خزان بیتیر باهار یئرینه.
بوردا گولوشدادلی یاشاماق یوخدور،
بوردا دهره بیتیر چینار یئرینه.
هر یئر تورانلیقدیر، هر شئی کدرلی،
یوخودا گؤرونور آغ گونه چیخماق.
باشلار هاوالیدیر، آغریلار یئرلی،
دوشوب جانیمیزا قودوز داریخماق.
✍🏼 یعقوب نیکزاد
Khalkhalim.com
🆔️ @khalkhalim
7
1September 8, 2026 3.5K 1
