💠 #گون_آیدین، هموطنلر
بسله ییب باغریندا وولقان لار منی
بئجردیب دؤشونده اورمان لار منی
نیسگیل ده بوی آتیب باشا چاتمیشام
چاغیریب دؤیوشه مئیدان لار منی
سیلدیریم داغلاردا، چنلی چاغلاردا
چاغیریب اورکدن آسلان لار منی
میله لر حیله سین ایراده م اَیه ر
اَیمه ییب اَیمه ز ده زیندان لار منی
دنیزلر، ناققاسی من ده اوزورلر
ایزله ییر گمی لر، عمان لار منی
آنام آزادلیغا یئریکله ینده
دوغوبدور داش اوسته عصیان لار منی
قیرآت لا کئچمیشم فیرتینالاردان
گزدیریب چینین ده طوفان لار منی
ایچمیشم مین چاناق یاز بولودوندان
تاپشیریب خزره نئیسان لار منی
کلمه لر قورتاریش، سؤزلر هارای دیر
چاغیریب هارایا اینسان لار منی
✍🏼 کاظم نظری بقا
Khalkhalim.com
🆔️ @khalkhalim
9
2August 28, 2026 4.6K
