ဗန်ကို အားကျတဲ့ လူငယ်တွေကို ကိုယ်ခံပညာ ကိုယ်တိုင်သင်ကြားပေးဖို့ သင်တန်းဖွင့်တော့မယ့် ဂျောရှုအာဗန်
---
UFC ချန်ပီယံ ဂျောရှုအာဗန်ကတော့ သူ့ကို အားကျအတုယူကြတဲ့ လူငယ်မျိုးဆက်သစ်တွေအတွက် ကိုယ်ခံပညာသင်တန်းတစ်ခုကို အမေရိကန်နိုင်ငံမှာ ဖွင့်လှစ်တော့မှာ ဖြစ်ပါတယ်။
အဆိုပါသင်တန်းကို ဒီလ ၁၅ ရက်နေ့မှာ စတင်သွားမှာဖြစ်ပြီး အထူးခြားဆုံးကတော့ ဗန်ကိုယ်တိုင် လာရောက်သင်ကြားပေးသွားမှာ ဖြစ်ပါတယ်။
ချန်ပီယံတစ်ယောက်ရဲ့ အတွေ့အကြုံတွေ၊ တိုက်ခိုက်ရေးနည်းစနစ်တွေနဲ့ လေ့ကျင့်ရေးနည်းလမ်းတွေကို ကိုယ်တိုင်တိုက်ရိုက် သင်ယူခွင့်ရမှာဖြစ်လို့ လူငယ်တွေအတွက် အခွင့်အရေးကောင်းတစ်ခုလို့ ဆိုရမှာပါ။
ဗန်ကို အားကျပြီး သူ့လိုမျိုး အောင်မြင်တဲ့ ဖိုက်တာတစ်ယောက် ဖြစ်လာဖို့ ရည်မှန်းထားတဲ့ လူငယ်တွေ အများကြီးရှိနေပါတယ်။
အခုတော့ ဗန်က သူကိုယ်တိုင် ဖြတ်သန်းလာခဲ့ရတဲ့ အားကစားအတွေ့အကြုံတွေကို မျိုးဆက်သစ်တွေဆီ ပြန်လည်မျှဝေပေးဖို့ ဆုံးဖြတ်လိုက်တာပါ။
တိုက်ခိုက်ရေးနည်းပညာတွေ သင်ကြားပေးရုံသာမက စည်းကမ်းရှိရှိ လေ့ကျင့်တတ်ဖို့၊ ရည်မှန်းချက်တစ်ခုအတွက် မဆုတ်မနစ် ကြိုးစားတတ်ဖို့တွေကိုပါ ချန်ပီယံတစ်ယောက်ဆီကနေ တိုက်ရိုက်သင်ယူခွင့်ရကြမှာ ဖြစ်ပါတယ်။
ချန်ပီယံတစ်ယောက်ဖြစ်လာဖို့ ဘယ်လောက်ကြိုးစားအားထုတ်ခဲ့ရတယ်ဆိုတာ ဗန်ကိုယ်တိုင် ကောင်းကောင်းသိရှိထားသူပါ။
အခုလို မျိုးဆက်သစ်လူငယ်တွေကို ပြန်လည်လက်တွဲခေါ်ယူပေးတာကလည်း ဗန်ရဲ့ အားကစားသမားဘဝအောင်မြင်မှုတွေအပြင် လူငယ်တွေအတွက် စံပြတစ်ယောက်ဖြစ်လာစေမယ့် လုပ်ရပ်တစ်ခုပါပဲ။ 🇲🇲🔥
#JoshuaVan
16
6
2
1November 5, 2026 1.1K 1
