لطمیه لیوم الاربعين يوم رجوع
السيدة زينب عليها السلام الى كربله
🟰🟰🟰🟰🟰🟰🟰
آه ييوم الاربعين اشكد صعب
جايه زينـب و مدمعـها یصب
🟰🟰🟰🟰🟰🟰🟰🟰
وصـــلت الکربلـه ودمـعـتها تهل
اتزور اخوها حسين وگبور الأهل
نوگوهم تبچي لحــــزنها وماتمل
لفت محزونه ونحیله امن التعب
🟰🟰🟰🟰🟰🟰🟰
ردت الحوره وگلبها منفـطر
الروح متعوبه وشبعانه گهر
اتريد یستقبلها عبـاس الگمر
الروح مشتاگه الى اعزاز الگلب
✍️هدى المطر ام محمد
🟰🟰🟰🟰🟰🟰🟰🟰
شلون حالة زينب بيوم اوصلت
ردت اعليها المآسي تجـددت
دموعها فوگ التراب تنــاثرت
اليوم ويه اخوانها يحله العتب
✍ام علي الرضا الخرسان
🟰🟰🟰🟰🟰🟰🟰🟰
ردت امن اليسر زينب بالحرم
اتنادي ماتكعـد يشــــيال الـعلم
شوفها اشقاست بعد امن الظلم
فارقتكم وانتو نومــــه عالترب
✍🏻سلمى أم جعفر
🟰🟰🟰🟰🟰🟰🟰🟰
ايلوگ المعاتب الراعي المرجله
زينب اوردت لراضي كربله
تريد واليهه الضعن يستقبله
ليش ماكاملها واليها شعجب
✍م مرتضى الحواسي
🟰🟰🟰🟰🟰🟰🟰🟰
جيت اودعكم وانه اتهل دمعتي
وداعة الله جيت اگلکم یخوتي
حزني ومصابي ومراري وعيلتي
جيت اودعكم يمحـروم الشرب
✍️هدى المطر ام محمد
🟰🟰🟰🟰🟰🟰🟰🟰
تـــمـ بعون الله تعالى
بقلم شاعرات اهل البیت ع
في رابطة دموع العقیله ع
لانجيز حذف الاسماء✋🏻
🙏🏻نسالكم الدعاء🙏🏻
❌❌لایجوز شرعأ وغیرمبرئ الذمه کل من یحذف اسم الشاعرات او ینسب الکلمات لنفسه ویتلاعب بالقصیده🙏🏻
https://t.me/Kfeilzainp
