FIR (2022)
IMDb Rating : 8/10
အီဖန် (Irfan) ဟာ ရိုးသားကြိုးစားတဲ့ မွတ်စလင်လူငယ် ဓာတုဗေဒ အင်ဂျင်နီယာတစ်ယောက်ဖြစ်ပြီး အမေဖြစ်သူနဲ့အတူ အေးချမ်းတဲ့ဘဝလေးကို ဖြတ်သန်းနေသူပါ။ ဒါပေမယ့် ကံကြမ္မာရဲ့ အလှည့်အပြောင်းတစ်ခုမှာတော့ နိုင်ငံကို ခြိမ်းခြောက်နေတဲ့ အမည်မသိ အကြမ်းဖက်သမား "အဘူဘက်ကာ အဗ္ဗဒူလာ" ဆိုပြီး အမျိုးသားစုံစမ်းစစ်ဆေးရေးအေဂျင်စီ (NIA) ရဲ့ မှားယွင်းစွာ ဖမ်းဆီးစွပ်စွဲခြင်းကို ခံလိုက်ရပါတယ်။
ဘာအပြစ်မှမလုပ်ထားတဲ့ အီဖန်တစ်ယောက် မတရားစွပ်စွဲချက်တွေကြားထဲကနေ သူ့ရဲ့ အပြစ်ကင်းစင်ကြောင်းကို ဘယ်လိုသက်သေပြမလဲ၊ တကယ့် အကြမ်းဖက်သမားစစ်စစ်ကရော ဘယ်သူလဲဆိုတာကို ရင်တမမနဲ့ စောင့်ကြည့်ရမယ့် ဇာတ်လမ်းဖြစ်ပါတယ်။ ဒီဇာတ်ကားမှာ လူနည်းစုတွေအပေါ် ထားရှိတဲ့ ကြိုတင်ကောက်ချက်ချမှုတွေ၊ မီဒီယာတွေရဲ့ လွှမ်းမိုးမှုတွေကိုပါ သေချာချိတ်ဆက် ထည့်သွင်းရိုက်ကူးထားတာ တွေ့ရပါတယ်။
ဇာတ်လမ်းအစကနေ အဆုံးထိ အရှိန်အဟုန်မကျဘဲ ဆွဲဆောင်မှုအပြည့်နဲ့ ကြည့်ရှုရမယ့် Action-Thriller ဇာတ်ကားကောင်းတစ်ကားဖြစ်ပြီး၊ ဇာတ်သိမ်းပိုင်းက မထင်မှတ်ထားတဲ့ အချိုးအကွေ့ (Plot Twist) တွေက ပရိသတ်ကို လုံးဝ အံ့သြမှင်သက်သွားစေမှာ အသေအချာပါပဲ။
Forwarded fromKBurmese Share Channel 1
2August 29, 2026 1.7K 1
