ليلة الوداع
ــــــــــــــــــــــــ
زينب تودع حسينهه.
تحچي الدموع بعينهه
ليلة وداع الليلة.
،،،،،،،،،،،،،،،،،،،،،،،،،،،،،،،١،،،،،،،،،،،،،،،،،،،،،،،،،،،،،،،،،،،،،،،،
هاي اخر ليلة باجر. ماتضل خيمه وزلم.
على زينب وسفه باچر بيت كامل ينهدم.
حسين وحده الظهر يبقى. اتطيح من عنده الحزم.
صبر يرادلهه زينب. صبر اصحاب العزم.
بلحظه تودع سنينهه
تحچي الدموع بعينهه.
ليلة وداع الليلة.
،،،،،،،،،،،،،،،،،،،،،،،،،،،،،٢،،،،،،،،،،،،،،،،،،،،،،،،،،،،،،،،،،،،،،،،،
باچر العباس توكع.چفوفه منه وجربته.
ينكسر ظهر ابو الاكبر. من يشاهد طيحته.
تفرح الشماته تنظر. للحسين ودمعته.
ابو فاضل سهم عينه. المه وهد قوته.
زينب يزود اونينهه
تحچيالدموع بعينهه.
ليلة وداع الليلة.
،،،،،،،،،،،،،،،،،،،،،،،،،،٣،،،،،،،،،،،،،،،،،،،،،،،،،،،،،،
تودع الاكبر الحره. بالدمع ليل الحزن.
تگله يالتشبه محمد. تغوفني أبچي وأون.
باچر اعله الگاع تبقى.والجثث ماتندفن
بالثلث تيام بالحر. عنكم امشي الكم احن.
من گلتوا الله يعينهه.
تحچي الدموع بعينهه
ليلة وداع الليلة.
،،،،،،،،،،،،،،،،،،،،،،،،،،،،،،٤،،،،،،،،،،،،،،،،،،،،،،،،،،،،،
تودع العريس زينب. بدمه تصبح حنته.
نسخه من الحسن وجهه تحن لخوهه وذكرته.
يلبس اعمامة ابوه وعالعساكر صولته.
القاسم ابوصط السيوف اتصير باچر زفته...
هالليل بينه وبينهه
تحچي الدموع بعينهه
ليلة وداع الليلة
،،،،،،،،،،،،،،،،،،،،،،،،،،،،،،،،٥،،،،،،،،،،،،،،،،،،،،،،،،،،،،
باچر الخيل اعلجسم حسين تسحگ والشمر
ايشيل راس حسين بيده. وتفرح اصحاب الغدر.
نحر ابو السجاد وسفه. برمح عالي ينحفر.
من كثر طحن الحوافر. مايضل عنده صدر.
تشكف تضل بيمينهه
تحچي الدموع بعينهه
ليلة وداع الليلة
،،،،،،،،،،،،،،،،،،،،،،،،،،،،،٦،،،،،،،،،،،،،،،،،،،،،،،،،،،،،،،،،،،،،،،،
تهجم الگوم اعله اهلي . الخيم كلهه تحترگ.
وين اودي عيالي باچر. والصياط اتضل تدگ.
القيامه تقوم باچر. اه من يوم الطبگ.
اشچم طفل سحگوه أكبالي. الموت أجاني من صدگ.
واخوتها المودعينهه
تحچي الدموع بعينهه
ليلة وداع الليلة.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدر موسى الرميثي.
https://t.me/+5rh8FQDIGkoyMWM6
Telegram
الرادود الحسيني سيد كرار الحسني
https://t.me/+5rh8FQDIGkoyMWM6
4June 11, 2026 2.7K 45
