عفتوني بالدار ،، وين الضعن سار يابويه يحسين ، گلبي اشتعل نار… — الرادود الحسيني سيد كرار الحسني

الرادود الحسيني سيد كرار الحسني@karar9497 · 1.3K subscribers Open in TelegramOpen

عفتوني بالدار ،، وين الضعن سار
يابويه يحسين ، گلبي اشتعل نار

:::::::::::::::::::::::::::::::::
حين الجزتني اضعون الاحباب
گعدت يـتيمـه اگـعـد ورا الباب
والشوف رايـح مـن العيون
والـحيل صاير حـيل شيـاب

سار الضعن وانهدم حيلي
مـن القـهـر مـانـام لـيلـي
بيه الوكت جار
::::::::::::::::::::::::::::::::::
كون اليسافر يرجع أبساع
مـايترك ابـدلّالـك اوجـاع
ضلت صورهم تارسه العين
عني ابعدو حلوين الأطباع

ضليت محتـاره بزمـاني
ما خـبر من عـدهم لفاني
ماعرف اشصار
::::::::::::::::::::::::::::::::
حزني بجفاهم حزن يعگوب
اترجه من احبابي مكتوب
انطـر ضـعنهـم مثـل الهلال
كل يوم آعاين وكت الغروب

وينه اليجي ويشوف حالي
گـطـعـن شراييني الليالي
اتمنه خطار
:::::::::::::::::::::::::::::::::::
باليـل افـز باليل يانـاس
ضيم العليه اشييب الراس
رگلبي انفطر من كثر الفراگ
إتمنه اشوفن عمي عباس

يحسين شيب راس گلبي
راح النضر ماشوف دربي
وسط الگلب نار
:::::::::::::::::::::::::::::::::
ماترحم المظـلوم دنياي
محد بقئ امن الأهل وياي
گلبي گلي الطفل مذبوح
باچر يشح بـكربله المـاي

اعلم ببوي احسين مذبوح
واخته العقيله اميسره اتروح
وياها الزغار
::::::::::::::::::::::::::::::::
فاخر علي الشبيبي
https://t.me/+5rh8FQDIGkoyMWM6

الرادود الحسيني سيد كرار الحسني

https://t.me/+5rh8FQDIGkoyMWM6