قصائد_شهر_محرم_الحرام_1448هـ العليلة // ◾◾ اظلم الكون .. اشوفه سجن… — الرادود الحسيني سيد كرار الحسني

الرادود الحسيني سيد كرار الحسني@karar9497 · 1.3K subscribers Open in TelegramOpen

#قصائد_شهر_محرم_الحرام_1448هـ
العليلة //
◾◾

اظلم الكون .. اشوفه
سجن بغيابك .. يبويه
🔶🔶
انت تدري بحالي وبجروحي الثگيله
يالدواي بضعنك ماعندي وسيله
مااتعب الناگه طفله انه وعليله
بلكي اشفه وياكم بالسفره الطويله

تقره آيه .. على راسي
وتطيب حالي .. يبويه
🔶🔶
روحي ورده ويبست من طول هجركم
وامنياتي العطشت يم ضفة نهركم
شكد وكفت امتانيه بكد وكفت نخلكم
و ازرعت نظراتي يابويه بدربكم

بنظره منكم .. صوركم
تضوي آمالي .. يبويه
🔶🔶
بيدي شمعة عمري وطفنها الليالي
ولاكمر مر من منكم يابويه وضوالي
شكو مفارگ مثلي ظل يبجي على حالي
والقوافل ظلت محتاره بسؤالي

عن خبركم .. سفركم
جمر بظلوعي .. يبويه
🔶🔶
والله ظل بفراگكم يتقرب مماتي
وجم عطر من عدكم تنزف ذكرياتي
والضعنكم ادعي ودمعاتي بصلاتي
واكتب بمرسالي بملگاكم حياتي

شيسوه عمري .. ويه دهري
ا بلياكم .. يبويه
🔶🔶
شمسي كلما طاحت والمغرب يلمها
روحي للطف تمشي ويتناثر حلمها
يكلي كلبي احبابج مذبوحه زلمها
بغربه ظلت زينب والنار بخيمها

بغربه ويلي .. ودليلي
انفجع من هايه .. يبويه
🔶🔶

علي حسين المنصوري
https://t.me/+5rh8FQDIGkoyMWM6

الرادود الحسيني سيد كرار الحسني

https://t.me/+5rh8FQDIGkoyMWM6