- ديما نسأل في روحي الناس الكبار في العمر شن دايرين مع الحنين؟ الحنين للماضي و الأماكن و أيام محال يردن بعد مرور هالأعوام و التغيّرات بفعل الأجيال المندفعة و الفوضى و الضجيج اللي كلّ يوم في الزايد ،أنا مواليد بداية الألفينات ما طقيتش في الأيام اللي عليهن القيمة واجد بس عشتلي كم يوم حقيقيات قبل ما يتم تزييف كل شي ..متعلقة بشكل كبير بالعقود الماضية و ديما تلقى عيوني يلمعن لما يحكو عالذكريات و كيف كانو عايشين و شن أنماط حياتهم و الحاجات اللي كانن يعننهم و عايشين بيهن و ديما ما يستحوذ عليا شعور أن لا الوقت هذا وقتي ولا المكان مكاني، عندي حنين لحقبة مش شايفتها و ما كنتش عايشة فيها بس متخيلتها.. لما كانت الشوارع نظيفة و الناس أرستقراطيين في أنفسهم جوا لما كانت كل حاجة هادية و بطعمتها و في دوافع إستمرارية للعيش كل يوم كان الإنسان ذو قيمة كان محافظ علي إعتزازه بذاته و تحس كل حاجة محيطة عميقة و ثقيلة هك .
56
11
5August 19, 2026 3.6K 13
