سمارك والعيون السود والطول ورصعة الفوگ خدينك قضيه إذا شفتك مثل ماطاب بستان احيرن شأكل وشلزم بأديه على غصان الشفاف جوري خدران يضحك للهوى روحة نديه وباقة من الورود اشكال واللوان بصحن خدك انجمعن مزهريه طولك نخلة برحي تريد صاعود يحوي بچفة عثگينك سويه نظراتك الي، زفة عصافير وأشب لـ الله وتميد الگاع بيه ضحكتك مَي سواجي ترطب الروح تنزل عافية ومابيها أذيه حنچك مَي زلال بصحن بلور عطاشى الناس راعيهم خطيه تتمايل غصن ريان بالريح ابزاهد لو تمر ينسى أبيه وادري حلو، شورطني وياك؟ وجبتك بيدي دليتك عليه خمس شموعك العدت العشرين ويراد لدلالـــك قابلـــــــيه بيك الزمن، عوض قسوته وياي، مو رشوه حلك جابك هدية والي من قدمك، چن قدم الكون ووگفت گبالك وأديت التحيه .
March 27, 2026 108 2
