ITEP Mastery

🔹 Boshlang‘ich ta’lim — 1–4-sinflar
🔹 Tayanch o‘rta ta’lim — 5–9-sinflar
🔹 O‘rta ta’lim — 10–11-sinflar

🎯 Asosiy e’tibor nimaga qaratilgan?
👉 Ingliz tilini amalda qo‘llashga. Dasturda o‘quvchilarning darsda egallagan bilim va ko‘nikmalarini hayotiy vaziyatlarda qo‘llashi, tinglab tushunish, o‘qish, gapirish va yozish ko‘nikmalarini izchil rivojlantirishga e’tibor qaratilgan.

📌 Dastur qanday yo‘nalishlarni qamrab oladi?
• 🎧 Tinglab tushunish
• 📖 O‘qib tushunish
• 🗣 Gapirish
• ✍️ Yozish
• 🔤 Tildan foydalanish
• 🌍 Madaniy xabardorlik
Mazkur yo‘nalishlar CEFR mezonlari bilan uyg‘unlashtirilgan.

📈 Til darajalari ham bosqichma-bosqich rivojlanadimi?
Ha. Dasturda til bilish darajalari oddiydan murakkabga, spiralsimon tarzda rivojlantiriladi. Boshlang‘ich bosqichda A1, tayanch bosqichda A1+ va A2, keyingi bosqichlarda esa yuqoriroq darajadagi ko‘nikmalar shakllantiriladi.

🧠 O‘quvchilarga faqat til o‘rgatiladimi?
Yo‘q. Ingliz tili darslari orqali:
🔹 tanqidiy va kreativ fikrlash;
🔹 kommunikativlik;
🔹 hamkorlikda ishlash;
🔹 muammoni hal qilish;
🔹 raqamli va texnologik savodxonlik;
🔹 ijtimoiy-emotsional ko‘nikmalar
ham rivojlantiriladi.
🌱 Bundan tashqari, iqlim o‘zgarishi va yashil ta’lim, ijtimoiy-emotsional ta’lim, salomatlik va farovonlik hamda hayotiy ko‘nikmalar kabi fanlararo mavzular ingliz tili mazmuniga integratsiya qilinadi.

👩‍🏫 O‘qituvchi uchun ham aniqroq tizim bormi?
Albatta. Dastur o‘quv dasturi qamrovi, o‘qituvchilar uchun yo‘riqnoma va ish rejadan tashkil topadi.
Unda darslarni rejalashtirish, metodik yondashuvlar, tavsiya etilgan faoliyatlar va namunaviy dars ishlanmalari kabi materiallar ham nazarda tutilgan.

📊 Baholashda qanday yondashuv qo‘llaniladi?
Dasturda formativ baholashga alohida e’tibor qaratiladi. Bu o‘quvchining rivojlanishini muntazam kuzatish, rivojlantirilishi zarur bo‘lgan jihatlarni aniqlash va o‘z vaqtida konstruktiv fikr-mulohaza berishga xizmat qiladi.

🇬🇧 Qisqacha aytganda, yangi dasturda asosiy e’tibor:
BILIM → KO‘NIKMA → AMALIY QO‘LLASH → MUSTAQIL MULOQOT izchilligiga qaratilgan.

📌 Ingliz tili ta’limida zamonaviy, amaliy va kompetensiyaga asoslangan yangi bosqich sari birgalikda boramiz. 🇬🇧

Beauty is ephemeral, but kindness lasts forever.