أولا راح نقلكم واش قريت في لافاك وشحال بلعت في لجامعة وشحال ديت لباك علبالي هذا ماشي مقياس وتختلف من شخص لآخر بصح نعرفكم تحبو تعرفو ساااو قريت مدرسة عليا للاساتذة طور الابتدائي لغة عربية (تخصص ماشي صعيب وماشي ساهل في نفس لوقت لاشارج بزاف ولموديل بزاف ثان) بلعت ب14 سوماستر لاول و12سوماستر ثاني وديت لباك 14٫95 طلعت بالفاصلة فقط( ومتوقعتوش للأسف💔) لاعلينا ضرك ندخل في صلب لموضوع كيفاش وفقت بيناتهم في زوج
صراحة في سوماستر الاول ركزت بزاف على لافاك ومديتلها وقت بزاف سواء من ناحية لقراية او مناحية اني نكتشف التخصص ويمكن اعطيه فرصة قلت ماادري يعني بلاك يعجبني ونبدل رايي مكنتش متعصبة برغم مكنتش دايراته كامل في بالي سوماستر الاول قريت اكثرية للجامعة وفي نفس الوقت كنت بديت للباك في اكتوبر لاكن وتيرة منخفضة وبديت بالمواد الاساسية فقط رياضيات وفزياء كنت في الاسبوع من نعود من لافاك نقرا واش قرينا وحاجة بزاف ضرورية كنت نديرها وفادتني انو في لافاك كنت نحط مع لبروف ونفهم تسما نخرج فاهمة مليح مليح هذا شيئ كان ينقص عليا تعب من نعود لدار مكنتش نعاود دروس كنت نقراهم خفيف وندير ملخص ونحل تطبيقات كان يمدهملنا لبروف وفي الويكاند كنت نقرا للباك كان عندي ملخصات بصح كنت نزيد ندير وحدين جدد باش نشفى مليح وغير نخلص ملخص نبدا في تمارين كنت متاخرة على نظاميين بصح الحمد لله لحقت عليهم وليت معاهم قدقد في لفزياء ولمات ولعلوم كنت مزلت مبديتها وهوما بلاك كانو في لوحدة ثالثة مبديتهاش بسك كانت تجيني أسهل مادة من ناحية دروس كنت مزلت شافية من العام ليفات على دروس وفاهمتهم مليح بحكم كانت مادة اساسية وركزت عليها بزاف. هنا صراحة كنت ذكية كيفاش نظمت وقتي ومندمتش شفت انو لعلوم فاهمتها اخرتها وشفت انو لفزياء ولمات تحتاج تمارين وافكار بزاف بديت بيهم وطيتهم نفس الأولوية وصدمة انو ديت فيهم نفس العلامة في لباك 17في زوج🤣🤌 والخطأ الاخر لرتكبته اني هملت مادة العلوم بزااف تغريت +لوقت كانت تضغط في لافاك زادو دروس وبداو لتاست ولكزاما تسما قدرت ننقض لفزياء ولمات ونكون كيما النضاميين
هنا مدة شهر جبدت تماما على لباك وقريت فقط لافاك حتى آخر اكزاما عقبناه الحمد الله ضميري كان هاني من جيهة لافاك بصح بدا يأنبني على لباك مهم قررت ناخذ استراحة محارب من لكزما وتعب تع لفاك ديت اسبوع كامل مقريتش وليت فقط نخطط ونغير في لغرفة والاجواء باش تتجدد طاقتي وعدت نقرا فقط للباك لقيتهم سابقيني نظاميين لحقت لفزياء ولمات وبديت في لعلوم بصح حرفيا أكثر مادة مطيتهاش حقها تمارين محليتش كامل تقدرو تقولو لحاجة لمليحة كنت متمكنة من المنهجية وديت 15 😭 بديت لحفظ والعربية مهم يعني كنت نقرا غير للباك لافاك نروح نحضر ونفهم مع لبروف بصح مكنتش نراجع في دار هاذي هيا لازم تضحيات متقدرش تكون مثالي في كل حاجة كملت بنفس طريقة حتى للعطلة هنا حبست قراية للباك بحكم بعد لعطلة لكزاما ديت لعطلة كامل قريت فيها للافاك وكان ضغط بسك مكنتش حاطة مع سوماستر ثاني والحمد الله درت كامل مجهوداتي وعقبتو مور مخلصنا كان متبقي 15 يوم أظن للباك هنا نفس الشيء عدت للباك بعد استراحة محارب وكنت منهكة صراحة بصح كملت لآخر نهار وكنت متاخرة شوي في المراجعة النهائية لاكن كنت مساعدة خاصة في لفزياء ولمات بسك قريتهم بنتظام ولعلوم كنت متخوفة منها تونست بالمنهحية فقط 😭 ولحفظ كنت حافظة اجتماعات واسلامية وكنت مدايرة مقالات لمطاحت تاوحدة منهم ودرت وحدة من راسي ديت 14٫5 مقبول بحكم مكنتش موجدة مقالة لغات راجعتهم في الاشهر الاخيرة وعقبت وكانت عندي ثقة 😅 وخدمت غاية لاكن تجري الرياح بما لا تشتهي سفن وبرغم من كل هذا كنت بزاف فخورة بروحي وقدرت نوفق ومفشلتش وكملت لاخر يوم برغم من التعب وطاقتي استنزفت وقررت مهما كانت النتيجة راح نكون راضية ونفرح ونحتافلو بسك عام اسود جاز عليا والحمد الله على كل حال 🌷✨
هاذي هيا كل تجربتي أن شاء الله منكونش طولت عليكم حبيت نحكيلكم بتفصيل باش تستفادو من اخطائي وصوابي ❤️💯
22
4September 2, 2026 648 12 4
