منية انتي ومنوة الجاي يهواچ
معقولة انة! بس خل اصفنلها
صح عيونچ الحلوات حلوات
بس مو مثل العيون القبلها
من اكتبلچ اتذكرها مرّات
وانة بگد شعر راسچ كاتبلها
فترة تموت بية وترجع تعيش
وارجع بية لهفة واقربلها
لهفتي من اوصلچ مرات تمثيل
ماتشبه لهفتي من اوصل الها
ردّة فعلچ ابرد منها بهواي
چانت تحرگ بردّة فعلها
شكلچ چان شي يجبرني اصد بيچ
بس يمكن لان يشبه شكلها
مدري شلون بس يتشابهن حيل
جرة كحلچ وجرة كحلها
نفس رموشچ الخلتلي جنحان
وچنت كل ليلة بيها مسافرلها
نفسهن بس نفسهن مادري ببيش
ما جاي افرح من اتباوعلها
رغم اطباعكم مو نفس الاطباع
احسها انتي واجيچ وارجعلها
احبچ جاي اگلچ واضحك وياچ
وانة اتخيلني احبچ گايل الها
اذا رجعت شگلچ بعد الفراگ
انة وگلبي وشراييني ارجع الها
33
9
4
3
2July 19, 2026 6.8K 86
