Omma oldidagi “taqvodor”...
Minglab o‘quvchilarga dars berasan — bolalar faqat yaxshi tomoningni ko‘radi.
Blog yozasan — obunachilarga faqat ijobiy xislatlaringni ko‘rsatasan.
Chiroyli kiyinib, mehmonga borasan — erishgan yutuqlaring bilan maqtanasan.
Insonlar maqtaydi — o‘zingni noqulay his qilasan.
Aslida kimligingni o‘zing yaxshi bilasan..
Gunohlaringni ko‘rsatolmaysan — berkitishga buyurilganmiz.
Kamchiliklaringni o‘quvchilarga aytolmaysan — o‘rnak olishi mumkin.
Qarindoshlaringga ayblaringni aytmaysan — o‘rni emas.
Nima qilsam ekan deb turganingda Abu Bakr Siddiq (r.a.)ning insonlar ularni maqtaganlarida qilgan duolari esingga tushadi:
«Yo Alloh, meni ular o‘ylagandan-da yaxshiroq qilgin. Ular men haqimda bilmaganlarini mag‘firat qilgin».
@ustoz_kundaligi
10
8
6August 31, 2026 290 1
