- كُلش هوَاي حَتسمع بخصوص انُ الطلاب درسوا بالعطلة ! وهَذا الي كمل فصل وفَصلين وهذا فصول من كُل مادة ومُمكن اكو كملوا كُل المواد وهنا حَتحس نفسك مقصر ! وتُبقى تفكر وحتى نفسيتك حتتأذَة ! رغم هي العطلة الك ومن حقك ومو ضروري تدرس بيها اصلًا !
رَاح اوضحلك شغلتين ورَكز عليهن !
- العطلة مو مقياس لمُعدلك نهَائيًا 
لكِن تُعتبر فرصَـة ذهبية اذا استغليتها حَتنفعك وتقَلل من الضغَط بالدوام ! بَس يا ترى هل انُ مُعدلك متوقف عليها ؟ اكيد لا والف لا ! . - انتَ تكدر
. تگدر تبَلش ويا الدوَام وتلتزَم باليومَي وتحَاول ماتخلي يصير عليك تراكُم ! واني اكُلك راح تكدر تجيب مُعدل وعالي هَم !
- مهَما درست واجتهدت نصيبك هوَ مكتوبلك ! وبنفس الوقت شكد مَ ضيعت فرص بَس اذا تعبَت ع نفسَك بالأخير رَاح تتفاجأ بدرجاتك الي كانت حتى مونفَس توقعك ! فـ شنو ؟ بالمُختصر ! مُعدلك متوقف عليك وعَ دراستَك . ونصَيحة من هسهَ خليها ببالك خلي ببالك لازم تركز عليهَا بالمَدرسـة :
: اليوَمي اليوَمييييييي دَير بالك عليه ولاتتركـة حتَى لو انت داخل معهَد بفترة المُراجعة ماراح تتعَب مثل الباقيَن وحتى المَادة ماتاخذ منك وَقت هواي لان انتَ دارسهَا يومي ومَمتحن بيها شهري وانتَ بنفسك حتشوَف الفرق ، اعرف راح تتعَب ويصير عليك ضغَط بَس كُلشي يهوَن من تشوف معُدلك وماكو احلى من لذة النجاح بذاك الوّقت حتى التعب تنسَاه ولاتنسَى انُ تقسَم وقتك .
