Jamoat tartibini buzgan voyaga yetmaganlarning ota-onasi… — Toshkent shahar IIBB

Jamoat tartibini buzgan voyaga yetmaganlarning ota-onasi javobgarlikka tortildi

Joriy yilning 7-sentyabr kuni soat 13:20 larda Yunusobod tumanidagi umumta’lim maktabi o‘quvchilari darsdan so‘ng uylariga qaytayotgan vaqtda Shoshtepa mahallasidagi ko‘p qavatli uylar oldida o‘zaro tortishib qolgan.

Jumladan, 2009 yilda tug‘ilgan voyaga yetmaganlar I.Z., F.F., U.B. hamda 2011 yilda tug‘ilgan N.Y. o‘zaro janjallashib, jamoat tartibini buzgan. Holatga shu yerda bo‘lgan mazkur maktabning boshqa o‘quvchilari aralashib, ularni tinchlantirgan hamda janjalning jiddiy tus olishining oldi olingan.

Mazkur holat yuzasidan voyaga yetmaganlar tahsil olayotgan maktabda tuman IIO FMB boshlig‘i, polkovnik Mahkam Vafoyev ishtirokida voyaga yetmaganlar, ularning ota-onalari hamda maktab rahbariyati ishtirokida muhokama o‘tkazildi.

Muhokama natijasiga ko‘ra, jamoat tartibini buzgan voyaga yetmaganlarning ota-onalariga nisbatan O‘zbekiston Respublikasi Ma’muriy javobgarlik to‘g‘risidagi kodeksning 47-moddasi — «Bolalarni tarbiyalash va ularga ta’lim berish borasidagi majburiyatlarni bajarmaslik» asosida ma’muriy bayonnoma rasmiylashtirildi.

Hurmatli ota-onalar! Farzandingizning tarbiyasi va xulq-atvori uchun mas’ul ekanligingizni unutmang!
———
Жамоат тартибини бузган вояга етмаганларнинг ота-онаси жавобгарликка тортилди

Жорий йилнинг 7 сентябрь куни соат 13:20 ларда Юнусобод туманидаги умумтаълим мактаби ўқувчилари дарсдан сўнг уйларига қайтаётган вақтда Шоштепа маҳалласидаги кўп қаватли уйлар олдида ўзаро тортишиб қолган.

Жумладан, 2009 йилда туғилган вояга етмаганлар И.З., Ф.Ф., У.Б. ҳамда 2011 йилда туғилган Н.Й. ўзаро жанжаллашиб, жамоат тартибини бузган. Ҳолатга шу ерда бўлган мазкур мактабнинг бошқа ўқувчилари аралашиб, уларни тинчлантирган ҳамда жанжалнинг жиддий тус олишининг олди олинган.

Мазкур ҳолат юзасидан вояга етмаганлар таҳсил олаётган мактабда туман ИИО ФМБ бошлиғи, полковник Маҳкам Вафоев иштирокида вояга етмаганлар, уларнинг ота-оналари ҳамда мактаб раҳбарияти иштирокида муҳокама ўтказилди.

Муҳокама натижасига кўра, жамоат тартибини бузган вояга етмаганларнинг ота-оналарига нисбатан Ўзбекистон Республикаси Маъмурий жавобгарлик тўғрисидаги кодекснинг 47-моддаси — «Болаларни тарбиялаш ва уларга таълим бериш борасидаги мажбуриятларни бажармаслик» асосида маъмурий баённома расмийлаштирилди.

Ҳурматли ота-оналар! Фарзандингизнинг тарбияси ва хулқ-атвори учун масъул эканлигингизни унутманг!

Sahifalarimizga obuna bo'ling!