ОНАСИЗ ҚОЛГАН ЧАҚАЛОҚ ✍
5 - қисм .
Онасини кузатиб , эзгин кайфиятда уйга кирган Сабриянинг кўзи ёстиққа тушди .
Онаси ,, чоки сўтилибди , тикиб қўй ,, дедими .
Ахир ўзи мустахкам қилиб тиккандику .
У ёстиқни айлантириб кўриб , йиртиқ жойини топди .
Кичик сандиқчадан онаси ҳар хил ип ва ниналар солиб берган халтачасини олиб ёстиқни яна тикиб қўйди .
Онаси ,, ҳеч қачон йиртилган жойинг бўлмасин , тикиб чатиб , тозагина қилиб ювиб юргин деярдида .
Сабрия ишини тугатар тугатмас эри уйғонди .
Ётган жойида ағдарилиб Сабрияга қараб қовоғини уйди ,
---- Сув опке .
Аранг ўрнидан туриб косадаги сувни тўкиб сочиб ичдию ташқарига чиқиб кетди .
Сабрия эри бўлсада бу эркакни яхши таниб ололгани йўқ . Ҳозир ҳам хизматини қўрқа - писа қилаяпти .
Келин бўлиб эридан на бир ширин сўз , на бир очиқ юз кўрмаса , қандай муомала қилишини билмасди .
Сабрия онаси олиб келган овқатни кечга бермоқчи бўлгани учун бошқа нима иш қилишини билмасди , уйни яхши билмаса , қайнонаси очилиб у бу жойни кўрсатмаса .
Ўзини қувноқ кўрсатиб қайнонасини олдига кирди .
---- Менга бирор юмушиз борми , она .
---- Мани ишим йўқ , бориб эрингга қара .
Қайнонаси бекорга айтмаган экан .
Эри супани пастида юз қўлини хам ювишга ярамай ўтирган экан .
Сабрия обдастада сув , совун , сочиқ олиб эрини олдига борди .
Юз қўлини ювиб , бир оз ўзига келган эри тиржайиб Сабрияга қарадида қўлидаги сочиқни юзига отиб юборди .
Сабрия сесканиб юзидан сочиқни оларкан
,, қилиғи совуқ ,, деди ичида ижирғаниб .
Кечги овқат маҳали хеч ким ҳеч нарса демади .
На қайнонаси , на қайнотаси
,, бу овқатни қаердан олдинг,, - демади .
Ҳеч йўқ дастурхонга дуо қилиб , қудаларига миннатдорчилик билдириб қўймади .
Ҳатто дастурхонга фотиха ўқишмас экан , бирин бирин туриб кетишаркан .
Сабрия ўзига ўзи фотиха ўқиб ўрнидан турди .
Идишларни ювиб , жойлаштириб , усти очиқ нарсаларни туз , сув идишларини оғзини ёпиб , ошхонасини саранжомлаб қўйди .
Қайнонасига ийманибгина хайрли тун тилаб ,
--- Уйимга кирсам майлими она , - деган эди .
Қайнонаси жиннига қарагандек анқайиб қаради келинига .
Қишлоқ келинлари қайнонасини она демайди , хола , амма дейди .
Келинига бош ирғаб қўйдию яна гапирмади .
Сабрияни назарида қайнонаси гапиришгаям эринадиган хотинга ўхшади .
Сабрия уйига қараб бораркан қўлида тиш паста ва шўткасини кўтариб қайниси келиб қолди .
---- Буларни олиб кириб кетинг , янга , - деди .
Сабрия ҳайрон қолди .
---- Қаердан олдингиз буларни ,- деди ажабланиб .
---- Сизларни уйингизни токчасидан олдим .
Акам олавер дедилар . Тишимни ювиб келаяпман ,- деди бепарво .
---- Ахир булар маникику , - деди асабийлашиб .
---- Сизники бўлса нима қилибди , еб қўймадим .
Фақат тишимни ювиб , қайтариб опкелаяпман , мана .
Сабриянинг кўнгли ағдарилиб келди , қўли билан оғзини ёпдию уйнинг ёнига чопиб ўтди .
Бор еган , ичганини қайт қилиб ташлади .
Боши лўққиллаб , ҳолсиз ўрнидан туриб уйига кирди .
Эри бепарво жойида ётиб экрани приллаб ётган эски телевизорни кўриб ўтирар , бояги тиш паста ва шўткаси токчада турарди .
Уни кўриб Сабрия яна ўғжиб юбордию токчадан олиб , деразадан ташқарига отиб юборди .
Саволомуз қараган эрига ,
--- Укангизга янгангни нарсасини олма десангиз бўлмайдими ,- деди алам билан .
---- Нима бўлибди камайиб қоладими , - деди эри тўнғиллаб .
--- Ахир тозаликчи , гигиеначи , тўғри эмас бировникини бошқа ишлатиши .
---- Ақллилик қилма манга , - эри телевизордан кўз узмай гапирди .
Сабриянинг хўрлиги келди .
Қандай яшайди , қандай курашади булар билан .
Секин жойига ўтирар экан юраги зирқираб кўз ёшлари юзидан оқиб тушди ....
давоми бор ...
ШАХЗОДА САТТОРОВА ✍
13
7
6September 7, 2026 637 1
