ОНА ТИЛИНИНГ ҚАДРИ
Устоз шогирдларига савол берибди:
— Айтинглар-чи, инсон ҳаётидаги энг ширин нарса нима?
— Асал! — дебди бири.
— Меҳр! — дебди иккинчиси.
— Онамнинг овози! — деб жавоб берибди учинчиси.
Устоз жилмайиб сўрабди:
— Она ўз фарзандини қайси тилда эркалатади?
— Ўз она тилида! — деб жавоб беришибди шогирдлар.
Шунда устоз шундай дебди:
— Инсон дунёга келганида биринчи эшитадиган алла, қалбига сингадиган илк сўзлар, меҳр ва дуоларнинг аксарияти она тилида бўлади. Шу тилда у қувонади, йиғлайди, севинади ва орзу қилади.
Она тили шунчаки сўзлашиш воситаси эмас,
у — халқнинг хотираси, тарихи ва руҳидир.
•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA
322026 ж. 21 қазан 23 мың
