#Куз_келмоқда
Аста ўрмалайди кўкда булутлар,
Тунларнинг увишиб қолади эти.
Ёз бўйи тандирдек қизиган шахар,
Деразасин ёпиб ухлайди энди.
Ҳовлиси ҳувиллар фаввораларни
Сув сепмай қўяди кўчасига қиз.
Соябон кўтарган хаёлчан август,
Анхорнинг бўйини кезади ёлғиз.
Қуёш жон ҳолатда кўрсатар хунар,
Бироз кексайганин ололмайди тан
Хунук кўринади энди негадир,
Ёз бўйи қалдирғоч яшаган ватан.
Секин жамадонин йиғади кимдир
Хонани бўшат деб чертади эшик.
Кутиб олиш керак, келаяпди Куз,
Биз уни эрталаб бекатда кўрдик...
Малика Тавфиқ
•┈┈┈┈•❈••✾••❈•┈┈┈┈•
Биз билан бирга бўлинг👇
https://telegram.me/joinchat/EBkeNT8wOXpAsSelKCAtIA
17
