aLix

" اني مو ثقيت بيك ؟
، وعالجرف كتلك بكيفك
، وين ماتبحر وراك ..
، ليش خليت السفينه
، بكيف موج البحر تمشي
وهذا ياقارب خذاك ؟
مشتريك بروحي اني !
الماخذك بيش اشتراك ؟

" وحركتك قليل وبين الطين
، اجذب العين أكلها الماي صافي؟
، انا بنفس الحجر ماطيح مرتين
، طحت مره بعد ماطيح كافي
، زهكت الزمن طلعت روحه شلون
، شرب دمي واكله اشرب عوافي .

" ارسمك ملتفتلي وتطلع اوهام
، ملامح وجهي ما فهمت معانيك
، بثكل جرحك كبل خطواتك وياي
، شني شو ع الزعل خفيت رجليك
، من اذب حسرات انشف حرورة الصيف
، هيج وياي وصلت من اسميك
، من اكشف جروحي هيبة كبال الجروح
، بكثر مامشن جنت بروحي امشيك
، مطر غيم انتظارك يبس الروح
، ونهر ملگه اشتهيت بروح ابديك .

" زعلان لو مختنك حاجيني شنهي
، الصدك تسمعلك اذاني
، وما بادرتلك لان مادري البكلبك شنو
، ومتحير لساني
، معقوله غيري وصل وتربع بكلبك كعد
، وتبدل مچاني!
معقوله عينك لكت واحد يحبها بكثر
، ماحبها جنت اني؟
، معقوله تنساني؟
، بگلبي حط خنجرك اذيني واني
، احتمل بس لاتحب ثاني
، وغيرك عشگني صدك
، واكتبله احبك ردت بس گلبي
، عَـتّاني
، يل ماعرفت بعلتك يومين تهوه
، وترد شهرين تنساني .

"من عيني طحت .. كد مابچيت عليك
، صوجي بعيني شلتك لازم اتحمل
، خسرتك لان بالغت بمحبتك حيل
، الزرع مرات من كثر السگي يذبل .