"كوكب الشرق" أم كلثوم، انولدت فاطمة إبراهيم السيد البلتاجي بقرية طماي الزهايرة بمحافظة الدقهلية بمصر، وعاشت طفولة صعبة لان عائلتها جانت فقيرة. أبوها جان إمام جامع وينشد بالموالد والأعراس، ومن شافت أبوها وأخوها يغنون، بدأت تحفظ وياهم. أبوها انتبه على صوتها، فكام ياخذها وياهم، بس جان يلبسها ملابس ولد وعكال لان عاداتهم بذيج المنطقة ما كانت تتقبل بنية تنشد بالمحافل .
شوية شوية، صيتها كام يطلع بالقرى المجاورة، لحد ما اجت اللحظة الحاسمة وانتقلت للقاهرة ببداية العشرينات. هناك بدأت رحلتها، وتعرفت على أسماء جبيرة مثل الشاعر أحمد رامي اللي علمها أصول اللغة والشعر، والملحن محمد القصبجي اللي دربها وعلمها المقامات. صوتها جان أسطوري، بي قوة وشجن. بمرور السنين، تربعت أم كلثوم على عرش الغناء العربي، وصارت حفلتها يوم الخميس بالليل من كل شهر طقس مقدس، الشوارع تفرغ والناس من المحيط للخليج تلتم يم الراديو بس حتى تسمعها وتتطرب وياها. غنت أعظم الألحان من رياض السنباطي، وبليغ حمدي، وزكريا أحمد.
Forwarded fromAmwbd
2
1July 5, 2026 551 2
