لمن تفرّغ روحك من شخص،
تحس المدينة الچنت تشوفه بيها بكل مكان وبكل شخص، تفرغ منه.
المُهم، رجعوا الناس بعيني لشخصهم،
وبغداد رجعت مدينة شايلة ملايين البشر،
والشوارع؟ ما تحلم بلقائنا بعد!
والهوى إللي أتنفّسه، كل الناس تتنفسه، مو بس أنا وذاك الشخص،
والمكان إللي أدخله، والمطعم إللي آكل بيه، مو شرط يكون هو بالصدفة راح يجيه،
ونهر دجلة؟ كل الناس تمشيله وتكتب يمّه، مو بس احنا،
والأغنية؟ كلماتها عادي، الكل يگدر يغنيها، مو بس “أغنيتي”.
روحي رجعت إليّ،
والمكانات رجعن لنفوسهن،
ما لهن ذنب ينربطن بغير شي.
مو الوقت چان كفيل،
أنـا الچنت كفيل..
أنو أعيش
1
6
3
3
2
6
3
3
2July 25, 2025 993 6
