𝖽𝖺𝗂𝗅ʏ 𝗋𝗂𝗆𝗆𝖾𝗇𝖽𝖾𝗋 𖹭 ࣪𓈒⊹୨୧ بس أكو مقولة قديمة تگول: "If… — داࢪُ المتـَقـيـن. — TG.ME

𝖽𝖺𝗂𝗅ʏ 𝗋𝗂𝗆𝗆𝖾𝗇𝖽𝖾𝗋 𖹭 ࣪𓈒⊹୨୧ بس أكو مقولة قديمة تگول: "If nothing changes, nothing changes" بما معناه وبعيدًا عن الترجمة الحرفية، "إذا ما تغيّر شي، ما يتغير شي". دائما نحاول نقنع انفسنا إنهُ فد يوم راح نغير من نفسنا ونصير أحسن، وهذا الفد يوم ممكن نگول باچر راح اتغير لو الاسبوع الجاي اتغير لو الشهر الجاي اتغير، وتنطي لنفسك مواعيد تهملها بكل مرة. لازم تعرف إنه اذا ما غيرت شي بيك فـ ما راح يتغير شي، يعني إذا جان هدفك إنهُ تدرس أكثر وأقوى وبتركيز فـ لازم إنه تقلل من التلفون، أو تعدل نومتك وتمشي على نمط واحد، أو تقلل من الأشياء إلي ممكن تلهيك او تشتتك عن هدفك مثل الطلعات أو الأصدقاء المو زينين. يعني اذا مثلا بلشت تقره وتلفونك بصفك وبأي لحظة يجيك إشعار تترك كتبك وتروح تركض تشوف شكو، لو تروح تفتح مقاطع عشوائية اصلاً انت ما يهمك منهن شي بس تريد تضيع وقت، وبعدين يخلص اليوم وتكول باجر راح اتغير وتاليها هم تكعد تقره وبصفك التلفون يعني كلشي ما غيرت. عالأقل حاول تخلي التلفون بغرفة ثانية، حاول تخليه بمكان ما تگدر توصله بسهولة فـ تتعاجز عنه، حاول تنطيه لأحد من أهلك يعني سوي عالأقل تغيير واحد مو تبقى بنفس الگعدة! وبإختصار وبحكمة بالغة ختمها سبحانه وتعالى قال:(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)