بأول العاشر... توفّت صديقتي يلي كنا نرجع سوا عالبيت وأول مرة بعيش جو… — لِنَرتقِ! 💙☁️

لِنَرتقِ! 💙☁️@holumu · 1.2K subscribers Open in TelegramOpen

بأول العاشر...

توفّت صديقتي يلي كنا نرجع سوا عالبيت

وأول مرة بعيش جو أنو يموت حدا قريب عليي، الله لا يفجعكن بمحب يارب ❤️
ما بعرف كيف كان احساسي، ما كنت مستوعبة أبداً ولا بكيت أول يوم

خبرني خالي يلي بيكون رفيق أخواتها الشباب بالجامع، صفنت شوي وهزيت راسي وقعدت على جنب أستوعب وكان الموضوع صعب عليي
ما متذكرة تفاصيل أبداً، يلي بتذكره إني بقيت فترة طويلة عم هوجس بالموت وشوف رفيقتي دائماً برؤياي..

المهممم، تاني يوم من وفاتها قمت عادي ولبست ورحت عالمدرسة باللاوعي، كان عنا أول حصة علوم
وكانت هالآنسة معروفة أنها شديييدة شدة غليظة، كانت تحفظنا الفهرس!

وقتها كنت شاردة بالحصة، قامت وهي عم تحكي قالتلي شو آخر كلمة حكيتها
رديت:ما بعرف
بهدلتني وحاكتني كلام بيزعل، ما متذكرة منه شي بس بتذكر إني كنت مقهورة ومالي متحملة حدا يزيدها عليي..

وصرت أبكي بقلب الحصة وقالتلي أبكي بلا صوت (مع أني ما طالعت صوت😂)
بس مو معقول شو هالقسوة

بعدين صارت هالآنسة تحبني وتغيرت معاملتها معي
طلعت من المدرسة وصرت جامعة
بعد هالقصة بشي ٣ سنين، اجتمعت معها بمكان، وصرنا نحكي..

مدري شو خطرلي ذكرها بهالقصة، وابتسمت وقالتلي اي متذكرتها، قالتلي لهلأ زعلانة، قلتلها لا 🙂
بس انا زعلانة اي، ببقى زعلانة طالما ما اعتذرت، بس تخطيت..

t.me/holumu/4568 Translate