بس راحت مسمّعتي أجت وحدة تانية 😭
وكانت غير هديك تماماً
مسمعتي كانت لطيفة بس أنسى آية أو خربط تقرّبلي المعنى أو تساعدني
هي بنوووب
كون عم أسرد وأنسى آية تقلي (تؤ) وتسكت
قلها شو
تطلّع عليي وأنا بس حدا يخلّي عينو بعيني وقت طويل بتوتّر
ما ترضى أبداً أبداً تقول شو الخطأ أو تعطي تلميح
مستعدّة تبقى ٥ دقايق عم تنتظر وما تساعدني
قلها والله نسيت الآية تقلي تذكري بدك تتذكري قلها ما بعرف خلص
وكانت الساعة شي ٤ وأنا بدي لحّق خلّصهن وقلت لوالدي عال ٤ ونص بخلص مشان ياخدني
قلها تأخرت قليلي تسكّر المصحف تقول لو بدنا نقعد لبكرا ما حردّك لتتذكّري
وفعلاً أعصر مخي وأتذكّر
تقلّي أنتِ حافظتيهن بس بدك تعتمدي عليي وتستلمي بسرعة وأنا ما بدي ياكِ تعتمدي عليي
وفعلاً تعلمت أنو لازم أصبر على حالي بهي الشغلة وبغير شغلات..
6
3
3September 4, 2026 69
