الشاعر ابن زريق البغدادي الملقب شاعر القصيدة الواحدة
أكيد بتعرفوا قصته يلي سافر مشان يكتب قصيدة للملك حتى يعطيه كم ليرة يدبر أموره فيهن ومرته قالتله لا تروح يا بو العيال قلبي حاسسني هالروحة مو لخير قام ما سمع كلمة مرته وفعلاً طلع الحق معها، الملك مزح معه ما عطاه مصاري عساس يعطيه تاني يوم يقله ههه لا تكون سدقت؟
راح ابن زريق على جنب ومن الزعل مات وقبل ما يموت كتب قصيدة مطلعُها:
لا تعذليه فإن العذلَ يولعُه
قد قلتِ حقاً ولكن ليس يسمعه
السؤال الأول، ليش اسمه شاعر القصيدة الواحدة وهو كتب قصيدة قبل للملك؟
السؤال التاني، أديش الملك غليظ لحتى يمزح هيك مزحة، دم الأغنياء تقييل..
السؤال التالت، أنا ما بحس ابن زريق مات لأنو الملك ما عطاه مصاري، كأنو تراكمات..
فقر+مرته نقاقة وكان خايف من لسانها وشماتتها+كان مريض قلب وتعب من طول الطريق والسفر+ حسدوه لأنو القصيدة يلي كتبها للملك كتير حلوة..
#فلسفة_ليلية
