تخيل إنك داخل تنزل مود أو Client جديد للعبة ماين كرافت عشان تظبط التخصيصات والـ Cheats، تسرش على جوجل وتضغط على أول لينك يتطلع لك، شكله احترافي ومكتوب فيه كل المميزات، لكن في الحقيقة الملف اللي بتنزله مفيهوش ألعاب.. ده مالوير كامل نازل عشان يقلب داتتك
التقرير الأخير من McAfee Labs بيكشف عن حملة مالوير اسمه Weedhack بيستهدف لاعبي Minecraft، وبيقدر يصطادهم عن طريق صفحات مزيفة شبه المواقع الأصلية بالملليمتر، لدرجة إن المهاجمين استخدموا أدوات ذكاء اصطناعي زي Lovable عشان يبنوا ديزاينات احترافية تنطلي على أي حد.
السر في الخدعة دي هو الـ SEO Poisoning، المهاجمين رفعوا ترتيب مواقعهم المزيفة في نتائج البحث الأولى على Google وBing وحتى DuckDuckGo، لدرجة إن اللينك المزيف بقى يطلع قبل الموقع الاصلي! ده غير إنهم ماليين سيرفرات Discord ولينكات MediaFire بداتا خبيثة مربوطة بـ JAR Payloads.
أول ما تنزل الملف وتشغله، الـ Weedhack بيبدأ يشتغل في الخلفية؛ يضيف استثناءات في Microsoft Defender عشان الحماية ما تلمسهوش، وبعدها يلم معلومات السيستم ويسرق الحسابات والداتا الحساسة من جهازك من غير ما تحس بأي حاجة غريبة.
2
1August 24, 2026 338 1
