ဘဝဟာ ရေတစ်ခွက်ဆိုရင်တောင်
ကိုယ်ထပ်ဖြည့်ချင်တဲ့အရာက
ရောင့်ရဲတတ်တဲ့စိတ် ဖြစ်ပြီး
လျှံကျချင်တဲ့ အရာက မေတ္တာတရားပါ ။
အဝေးကြီးက လရောင်မှ
လှတာ မဟုတ်ပါဘူး ။
ကိုယ့်ရင်ထဲ 'သာ' တဲ့ကြယ်လေးတွေလည်း
ကျေနပ်ကြည်နူးတတ်တဲ့စိတ်နဲ့ဆို
တစ်ကိုယ်စာတော့ လင်းပါတယ် ။
အများကြီးတော့
မျှော်လင့်မထားတာအမှန်ပါ ။
မနက်ဖြန်ဆိုတာက
မတည်မြဲတတ်ဘူးလေ ။
ပြောင်းလဲတတ်တဲ့အရာတွေကို
အလိုက်သင့် လက်ခံ
ပြိုလဲတတ်တဲ့ သဘောတွေကို
အပြုံးမပျက် စောင့်ကြည့်
ငြိတွယ်တတ်တဲ့ နှောင်ကြိုးတွေကို
ဖြည်းဖြည်းချင်း ဖြေလျှော့ရင်း
လောကဓံ အရိုက်အခတ်တွေကို
သတိရိုးတံလေးနဲ့ ပြန်ပြန်မတ်နေရတယ် ။
နေချိန်မှာ
အတ္တကင်းကင်းနဲ့ ကြိုးကြိုးစားစား
ပွင့်ဝေခဲ့ဖို့ ၊
သေချိန်မှာ
ရနံ့သင်းသင်းနဲ့ ရိုးရိုးသားသား
လွင့်ကြွေခဲ့ဖို့
🫧
· ‹ ｡꒱ #Nyo
· ‹ ｡꒱ #PhooThitsarNyo
· ‹ ｡꒱ #𝓟𝑇𝓝๑ꕤ
· ‹ ｡꒱ #Letter
· ‹ ｡꒱ #Crd_to_original_writer
2
1November 20, 2024 136 1
