مرات الحياة ماتكون منصفه مهما تحاول وياها ،مشكلة الانسان مايشوف الجزء الرمادي بالحياة وما يعترف بي اصلًا ،اسود او أبيض ماكو شي ثاني
هلشي يخلي كلشي ميت بالنسبة الك ،ردت شي مصارلك خلص كلشي مات بعينك من بعده ،ننسه انو الحياة بيها هواي فرص ننسه الحياة بيها هواي اشخاص .
طبيعة الأنسان ما يقتنع وما يفكر لمدى بعيد كل تفكيره يخليها لحظية هو شنو حاس بهاي الثانيه يتخيل حياته راح تخلص بنفس هاي المشاعر
هل هلشي صحيح ؟
ما اكدر اكول آي او لا
يمكن صح ويمكن خطأ
مرات نعيش شي نموت واحنه بعدنا حاسين بنفس الشعور هسه مو نفس المستوى اكيد يعني بس بالتالي هو موجود
ومرات يمر اسبوع وتصفن شنو جنت عايش قبل هذا الاسبوع ؟ما تتذكر شي
وهلشي يرجعنا لنطقة انو الحياة رماديه ومابيها شي صح وماكو شي خطأ
وشكد ما نتعب وشكد مانحاول نرسم بيها ونسوي الي نريده راح يجينا القدر براشدي يفر راسنا فر ويسوي الي يريده
ف توكلو على الله وهي تنحل ان شاء الله
October 26, 2025 509 1
