• تەیبی کوڕی إسماعیل دەڵێت: قورئانم لەلای حوسەین دەخوێند هەموو ڕۆژێ یەک ئایەتی فێردەکردم و لە ماوەی (١٥) ساڵدا پێی خەتم کردم .
[غایة النهایة لإبن الجوزي (٢٤٤/١)]
• أبو عبدالرحمن السلمي(رحمە️ اللّٰه) دەگێڕێتەوە و دەڵێت: ئەو هاوەڵانەی قورئانیان فێردەکردین وەک عوسمانی کوڕی عەففان و عبد️اللّٰه ی کوڕی مەسعود و ئوبەی کوڕی کەعب(️ اللّٰه لێیان ڕازی بێت) قورئانیان لە لای پێغەمبەری️ اللّٰه(ﷺ) خوێندووەو (١٠) ئایەتی پێ وتنەوەو لەوە تێنەدەپەڕین تا بە وردی کردەوەیان پێ دەکردو دەیان گوت: قورئانەکە بە جوانی فێربووین و کردەوەشمان بە هەموویان دەکرد ، پاشان أبو عبدالرحمن فەرمووی: لە دوای ئێمەوە بەرەیەک دێنەکایەوە ئەم قورئانە دەخوێنن وەک چۆن ئاو دەخواتەوە بەڵام لە گەرویان زیاتر ناڕواتە خوارەوە(دەستی برد بۆ گەرووی خۆی).
[رواە عبدالرزاق (٦٠٢٧) ، وابن أبي شیبة (٩٩٧٨) ، وابن جریر في تفسیرە (٨٢)]
• هەشیان بووە لە (٥) ئایەت زیاتری نەگوتۆتەوە: یونسی کوڕی أبي رجاء(رحمە️ اللّٰه) دەڵێت: أبو موسی الأشعري(رَضِيَ اللّٰهُ عَنْەُ) لە (٥) ئایەت زیاتری پێ نەدەگوتین و پێنج پێنج فێری دەکردین .
[جمال القرأن للسخاوي (٤٤٦/٢)]
• أبو العالیە(رحمە️ اللّٰه) دەفەرموێت: ( تعلموا القرأن خمس آیات ، فإنە أحفظ لکم ) واتە: پێنج ئایەت ، پێنج ئایەت قورئان فێر ببن ، چونکە بۆ لەبەرکردن ئەوە باشترە .
[رواە ابن أبي شیبة (٩٩٨)]
3August 28, 2026 29
