١- من البارحة لليوم ما أبالغ إذا اگول آلاف الرسائل وصلتني ( تليكرام ، انستا ، فيسبوك ) حرفيًا كل سنة يمر عليه هيج يوم أعيش بسعادة ما تنوصف من كمية الكلام الحلو دعائكم والفرحة بدرجاتكم الحلوة ، يكون بداخلي شعور بين الفرح والفخر والسعادة بحيث ما أعرف أعبّر للشخص المقابل عن فرحتي بي وبالدرجة الي دزلي اياها 🤍
٢- كونوا على يقين فخور بيكم وبكل شخص گدر ينجح مهما كانت درجته سواء ( 100 او 50 ) اني كلش فخور بيكم وأسأل الله انو يوفقكم لكل خير وتنالون القبول الي يرضيكم 🤎
٣- أما الطلبة الي عدهم تأجيل مواد ع الدور الثاني او طلبة الدخول الشامل ، ربي يسهل عليكم ويتمم فرحتكم على خير بالدور الثاني 🩷
٤- بالنسبة للطلبة الي ما حالفهم النجاح ، ترا طبيعي هذا ما يعتبر فشل ! الفشل الحقيقي من تستسلم وتكول ما اكدر اكمل بعد ... الي يعيد السادس ويحاول مرة ثانية هذا بحد ذاته نجاح مو فشل ، تذكروا دائمًا المحاولة وعدم الاستسلام هيَ قمة النجاح 💜
٥- ختامًا : اني مو صاحب فضل على أحد الفضل لله وحده ، اني كنت مجرد سبب رب العالمين جعلني بطريقكم لتوجيهكم للطريق الصحيح ، أتمنالكم الموفقية بمسيرتكم ورحلتكم القادمة ، أحبكم في الله جميعًا أخوكم محمد الجنائي ❤️
