የዛሬው የትምህርት ሥርዓታችን አጠቃላይ ስኬቱን እና ውጤታማነቱን የሚለካው በዩኒቨርሲቲ መግቢያ ፈተና ማለፍ እና አለማለፍ ላይ ብቻ መሆኑ መሠረታዊና አደገኛ ስህተት ነው።
ትምህርትን ወደ አንድ የዩኒቨርሲቲ መግቢያ በር መቆጣጠሪያ ማሽን መቀየር ትምህርት ቤቶችን ከዕውቀት ማዕከላት ወደ “የፈተና ማምረቻዎች” ይለውጣቸዋል። ይህ የተሳሳተ አቀራረብ ተማሪዎች ጥልቅ ግንዛቤን እና የችግር አፈታት ክህሎትን እንዳያዳብሩ አድርጎ ፤ በቃል በመሸምደድ (rote memorization) እና ለፈተና ብቻ በመዘጋጀት (teaching to the test) ላይ እንዲወሰኑ ያስገድዳቸዋል።
በዚህም ምክንያት ሥርዓቱ እውነተኛ የማወቅ ጉጉትንና የፈጠራ አቅምን ይገድለዋል።
የትምህርት ትክክለኛ መዳረሻ ማዕቀፍ ዩኒቨርሲቲ መግባት ብቻ መሆን የለበትም። ትምህርት በዋናነት ግለሰቦች ሕይወትን በብቃት እንዲመሩ፣ በሂስ ማሰብ እንዲችሉ (critical thinking)፣ ማኅበረሰባቸውን እንዲረዱ እና በየትኛውም የሕይወት ጎዳና—ይሁን ዩኒቨርሲቲ፣ የቴክኒክ ሙያ፣ ንግድ (entrepreneurship) ወይም ቀጥተኛ የሥራ መስክ—ትርጉም ያለው አስተዋጽኦ እንዲያበረክቱ ማዘጋጀት አለበት። እውነተኛ ትምህርት ስሜታዊ ብልህነትን መላመድን (adaptability) እና የሥነ-ምግባር መሠረትን ይገነባል።
ዩኒቨርሲቲ ለግል እና ለሙያ እድገት ታላቅ ማዕቀፍ ነው፤ ነገር ግን የሰብአዊ እድገት ማጠናቀቂያ መስመር አይደለም። የትምህርት ሥርዓቱ ስኬቱን የሚለካው በወረቀት ማረጋገጫ (credential) እና በፈተና ውጤት ላይ ብቻ እስከሆነ ድረስ፣ ሰዎችን ፈተና ማለፍ እንጂ ላልተጠበቀው የዓለም እውነታ እና ለሕይወት ፈተናዎች ማዘጋጀት አይችልም።
በተለይ አሁን በለንበት ዘመን የትምህርት ስርአታችን ከዘመኑ ጋር ማጣጣም ይኖርብናል::
Ketsela Lemma: MD, MPH, Obstetrician and Gynecologist, Maternal fetal medicine sub-specialist
@HakimEthio
44September 1, 2026 3.9K 4
