#تبدل_زمان_الملك اداء: #مجتبى_الكعبي الذاكر: #مؤمل_كاضم كلمات؛ #محمد_الربيعي ـــــــــــــــــــــــــــــــــــــ ياعين غمضي الجفن ماكافي المتانه محد يردني لهلي أهنأ ضلتي اهنانه اتذكرين جنتي بخيم وعندج اخوه ورايه بس الفرات الظهر لمن بخل مايه طلعت شمس فرگته وتبدل افيايه ياعين ذاك العمر راح ويه خوانه محد يردني لهلي أهنأ ضلتي اهنانه ياعين غمضي الجفن ماكافي المتانه محد يردني لهلي أهنأ ضلتي اهنانه ياعين ابجي الصور ومسحيها من بالي من اول طلعتي بضوه نمشي أنه وخيالي من شفته فوگ برمح ضميتها احبالي ياعين بس العصر مو سهله نسيانه محد يردني لهلي أهنأ ضلتي اهنانه تعمين من البجي ومايخلص البيه جرح اكلف أمن الجرح صاحولي مسبيه ياعين اثر للحبل ليهسه بيديه ويحلم ينام بهنه الشب فوگه صيوانه ياعين مر المسى ومامروا اخواني واليدري محد اله جا المن ايتاني مو ياغريبه انكتب وعندي اهل اني تبدل زمان الملك وتبدل امجانه محد يردني لهلي أهنأ ضلتي اهنانه مو ياغريبه انكتب وعندي اهل اني تبدل زمان الملك وتبدل امجانه ياعين كافي قهر ماكافي المجافه غير الي علته الهجر بالملگه يتشافه مو ينتظر ينتظر ويموت ماشافه مايل يضل النعش لو مايجي اجتافه مقسوم الج بالغرب تغمضين عطشانه ـــــــــــــــــــــــــــــ مجالس شهر جمادة الاخر ليالي استشهاد مولاتنا ام العباس فاطمة بنت حزام ام البنين عزاء حسينية موكب الاحزان.. #السماوه
22
1
