كل عام وأنتو بخير وتقبل الله الطاعات🩵🙏
من باب التوعية والدين نصيحه حابة أتكلم بموضوع مهم لكن كلامي اليوم يمكن مايتفق وياه الكل ويمكن يعتبروا تعقيد أو مثاليات فـ بساطة الكلام اذا ناسبك أخذه وأعمل بيه واذا ماناسبك تجاوزة لان الحياة أختيارات وكل واحد وعقلة براسة ويعرف خلاصة كلنا عدنا أخطاء وذنوب وماكو أنسان معصوم بس أحنا وصلنا لزمن تغيرت بي المفاهيم والقيم وصار الصح غريب والناس تستهين باللي المفروض يكون مقدس رمضان أجئ وهو مو مثل باقي الشهور رمضان هو شهر اللة وهو أعضم فرصة للعبادة والتقرب وألي يفوتة كانة فوت عمر كامل وأحنا عدنا 11 شهر نسوي بي ألي نريد بس هاي 30 يوم محدوده ليش نستكثرها علئ رب العالمين
اليوم صارت الاجواء الرمضانية مجرد ديكور خيم سحور فطور أستعراض بالمكياج والازياء والصالونات وكأنه رمضان صار مناسبة أجتماعية مو روحانية بس كل هاي الامور تكدرون تسووها بأي وقت بس رمضان اذا راح ما يرجع أله بعد سنة أحنة مامقصرين بأي مناسبة حتئ عيد المسيح نحتفل وياهم من بداية 12 لنهايتة بعيد الحب هم ماخلينا شيء يعتب علينا وجاي عيد الام وعيد نوروز وغيرها والله يجعل كل أيامنا أعياد بس رمضان مو مثل باقي الايام وراه عيد المسلمين عيد أمه النبي محمد عليه الصلاة والسلام بشهر محرم أغلبنا نبتعد عن الاغاني والتبرج ونطبخ ونوزع لان مصاب أهل البيت موجع بس هم لاتنسون أن حرمة رمضان مثل حرمة الشهر الحرام لان بهاليالي نزل القران علئ النبي ولو تعرفون شكد نبينا تعب حتئ يأدي هل الامانة وهو أكثر نبي يحب أمتة ومراح يتخلئ عنهم أبد كل ألانبياء يتخلون عن أممهم محد يشفع ألا رب العالمين بس الخاطر محمد وهو الوحيد الي راح يكول (أمتي أمتي أنا لها) رغم كل ذنوبنا وحتئ رب العالمين كال (أكنتم خير أمة أخرجت للناس)
نبينا العضيم أدئ الامانة وتمم الدين واكمل نعمتة علينا ومع ذلك نخذل من أمتة والحسين عليه السلام ماخرج بطرآ ولا شرآ الحسين خرج لاصلاح أمة جده بس مع ذلك أنخذل من أمة جده فـ اعتبروه تنبيه من رب العالمين وأعقدو النيه هذه السنة أن يكون رمضان شهر ألاصلاح مو مطلوب منك تصلح أمة لا اله ألا اللة فقط أصلح الي بنفسك وفوك كل هذا الناس صارت تعتبر التوعية بشهر رمضان هي مواعظ وحكم وفلسفة والله رمضان مو شهر أيڤنتات ولا سحور ولا فطور ولا امسيات ولا دراعات رمضان شهر تنسد بي كل ابواب جهنم وتنحبس حتئ الشياطين وتنفتح كل ابواب المغفرة والرحمة وكل يوم بوقت السحور رب العالمين يتجلئ وينزل من عرشة للسماء الدنيا وينادي هل من داعي أستجيب له؟هل من مستغفر فاغفر له؟حلوة الجمعات وحلوة اللمات وعلئ كولتهم رمضان يجمعنا
بس جديات هو شنو الشيء العضيم الي دينجز بهذه الجمعات الرمضانية؟
لو ذنوب لو نميمة لو غيبة لو طيحان حظ لو أستعراض زين ليش منسويها مجالس قرانية ختمات ذكر وأحلئ شيء بينا أنو أحنه واحد يتاثر بالثاني فـ أي واحد بينا راح يبادر ويبدي الناس راح يقتدون بيه ويقلدوه بدون وعي وأكيد هذا يعتبر تقليد أيجابي وطاقة الوعي الجمعي عضيمة ياناس ف تخيلو اذا كل واحد منكم يدرك ويفهم ويستوعب ويستشعر الطاقة الروحانية العضيمة برمضان دام عدنا وقت وأنفتحت كل أبواب المغفرة وبعدنا لحد هسه نكدر نطلب من رب العالمين الرحمة والمغفرة انتو متتخيلون اذا قامت الساعة وأنسدت كل أبواب المغفرة أتمنئ توجهون هالكلام يمكم حتئ الكل يشوفة🩵🌙
2March 1, 2025 1.4K 7
