يا غريب الغروب 2 انت عشقي والولاء ____ ادور عن جرح بي خير واستنگي… — قصائد كتابه — TG.ME

يا غريب الغروب 2 انت عشقي والولاء ____ ادور عن جرح بي خير واستنگي البچي اليسوة لو شفت الحزن بل لون اصير اسود من الگهوة الدمعة مراية العشاگ وتعكس عيشة اليهوة احبك ورد اضل وياك اعيش المره والحلوة افگد وطن من ابتعد عنك شبر ويموت بأول شمه.... من يمشي العطر لما بي عشگ ...... مو ادمي وگلبة جمر انا صحرة وانت مي... وگاعي تچوي وانت في گلبك مگدر علي ... والله احبك مو بأدي شيل گلبي وانت طب.. واصير بمجان الگلب عيني من رزقك تصب.. تعمه عيني بغير حب ____ انت عشقي والولاء يا غريب الغرباء ____ بچيني عليك هواي.... اريد استطعم الهضمة مثل بچيت الطفل ...... بل ليل.... فز وما الگه امه كل حب ينولي دم مضموم..... وانه احساسي ما مضمه الميت بل عشگ لو مات...... نكتب جرحهَ الي يرحمه ما ينكتب دمع النخل طيحة رطب...دمع زلم فشلة زلم عند العرب بس انه اكوم اتنومس شما دن عصر... الدمعة رب المرجله البيهِ ريحت كربله مولاي تدري يا راعي الهله...... .. بيك روحي مسلسلة باقي يمك مو طمع.. .. بس ردت منك وجع للخدر ذاك الطلع .... خلي كل وكتي جزع _____ انت عشقي والولاء يا غريب الغرباء _____ تجمعني علاقة وياك من طينك. خذت طيني من شفتك أل هاذة اليوم... محد غزر بعيني گمت اعرف اسلوب الناس .. واندل اليحاجيني اليضحكني يكرهني .... وال يحبني ال يبجيني مولاي: جوياتك تشد الگلب... چنه سهم اليگعد ويسكت على وجع ما بي خيم.... والعايشك لا مو ضلع گلبه نثلم انت ابد ما تنقرا...... وگلبي غيرك ما يرا والبعد يذبح ترا خلاف وجهك ﻤگبرة ____ انت عشقي والولاء يا غريب الغرباء _______ تكرار 🔁⬇️ عرفت الماله نيه وياك تزغر هيبته وگدرة والما دار وجه عليك لا يطلب بعد نضرة يا هو المثلك انطه خيام.... وبل هيمه ركض خدرة اگله الما لطملك حيل ..... ترا حسين انسحگ صدرة _________ شگد الطم ومن الطم.... ما ينشبع... مو طبعي ...... بس هسه الجرح....... صاير طبع جرحك اساس المعرفة ورب الشرع فدوة لأحساسك رحت.... من المهر ضامي طحت لختك بدمك گمت ..... ال يا عرب من حشمت ياهو يفزع للخيم ..... وانت چاويك السهم والعلم وين العلم ... وراس عباس انهشم حسين اين المنادون حسين اين الصارخون حسين ________ الرادود: علاء التميمي