الحوراء زينب لأُمها فاطمة عليهما افضل الصلاة والسلام
نَشغيله وليدج تعبان
نفخي بوجهه من القران
بلكت يصحه ~~ من هالذبحة
ويرد احسن من ما جان
"""""""""""""""""""""""""""""
اقري اسم الله فوك جروحه
اسم الله عله الرگبة المذبوحة
مشّي ايدج فوكاهن وادعي
بلكي الله وماتطلع روحه
بلكي سهامه •• وجرح الهامة
يبرن من يسمع قران
"""""""""""""""""""""""""""""
عوذي ابنج من سحگ ضلوعه
من الكسرات المسموعة
واقري بمگفه المنحر اية
ونفخي على اوداجه المكطوعة
بجدك طه ٠٠ وعزه وجاهه
حصنتك بسم الرحمن
"""""""""""""""""""""""""""""
جروح الف ومدري شكد يمة
تحنت ارض الطف من دمه
لومانكدر يمه نطيبه
بلكت نكدر عاد نلمه
من تحضرينه .. متضيعينه
بابنج متروس الميدان
"""""""""""""""""""""""""""""
خلي ايدج عالراس واقري
يارب بسمي وعزي وگدري
تطلع بالعملو هالعملة
حوبة ابني و حوبة كسري
وحوبة حيدر .. يوم المحشر
راويهم بالذل الوان
""""""""""""""""""""""""""""
اقري العوذة من رماحه
وعوذي لزينب من ذباحه
لا تمشي من بعد الكافل
وي هاي الزمرة السفاحة
وشوفي الكافل .. بعينه شحاصل
وادعي يحشرهم عميان
""""""""""""""""""""""""""""
زهير الهاشمي
https://t.me/gsssaads
Forwarded fromقناة لكروب وفاء العباس ع لجميع القصائد
Telegram
قناة عامه قناة تلحين كروب وفاء العباس ع
https://t.me/+_kCtEL4rLmZmZjAy
August 26, 2026 101
