موضوع المكانة الاجتماعية فى الجواز بيختلف من عقليه للتانيه بس هى بردو ليها دور يعنى لو حضرتك طبيبه مثلا فيفضل انك تتجوزى حد ليه مكانه علميه زيك ده بيفرق فى حاجات كتير ....
لكن الامر بيعتمد على الشخص نفسه ممكن يكون فيه طبيب ولكنه ليس سوى نفسيا ومش مؤهل انه يفتح بيت عادى جدا لانه بشر .
وممكن يكون فى شخص معاه مؤهل متوسط ولكنه خلوق وسوى نفسيا ويقدر يتحمل مسؤولية ويقدر يفتح بيت .
وانا اعتقد نظره اهلك ليه هى نظره ماديه وليست نظره علميه لانه لو مالى عينهم ماديا مش هيبصوا لتعليمه اى .
ولازم ياخدوا رأيك طبعا مينفعش ياخدو قرار من نفسهم وانتى لازم توضحيلهم كده لان دى حياتك .
ايوه هما عايزين ليكى الافضل لكن الافضل ده مش بفلوس او تعليم الافضل ده ليه مقاييس كتير ، ياما ناس معاها فلوس ومكانه علميه واجتماعية لكنها مبتنجحش فى الجواز.
والحل انك تتكلمى مع والدتك تاخدى منها اسباب وتناقشيها نقاش محترم مبنى على اساس دينى وتراعى بردو الماديات " سكن كويس- مصدر كسب حلال.
....
1July 23, 2025 451
