సరస్వతీ స్తవము యాజ్ఞవల్క్యకృత సరస్వతీ స్తవము యాజ్ఞవల్క్య ఉవాచ:- 1… — Gita makarandam (Audio files & pdfs)🙏🏻 — TG.ME

సరస్వతీ స్తవము యాజ్ఞవల్క్యకృత  సరస్వతీ స్తవము యాజ్ఞవల్క్య ఉవాచ:- 1. కృపాం కురు జగన్మాతర్‌-మామేవం హతతేజసమ్‌ || గురుశాపాత్ స్మృతిభ్రష్టం విద్యాహీనం చ దుఃఖితమ్‌ || 2. జ్ఞానం దేహి స్మృతిం విద్యాం శక్తిం శిష్య ప్రబోధినీమ్‌ | గ్రంథకర్తృత్వ శక్తిం చ సుశిష్యం సుప్రతిష్ఠితమ్‌ || 3. ప్రతిభాం సత్సభాయాం చ విచారక్షమతాం శుభామ్‌ | లుప్తం సర్వం దైవ యోగా-న్నవీభూతం పునః కురు || 4. యథాంకురం భస్మని చ కరోతి దేవతా పునః | బ్రహ్మస్వరూపా పరమా జ్యోతీరూపా సనాతనీ || 5. సర్వవిద్యాధిదేవీ యా తస్యై వాణ్యై నమో నమః | విసర్గ బిందుమాత్రాసు యదధిష్ఠానమేవచ || 6. తదధిష్ఠాత్రీ యా దేవీ తస్యై వాణ్యై నమో నమః | వ్యాఖ్యాస్వరూపా సా దేవీ వ్యాఖ్యాధిష్ఠాతృరూపిణీ || 7. యయా వినా ప్రసంఖ్యావాన్ సంఖ్యాం కర్తుం న శక్యతే | కాలసంఖ్యా స్వరూపా యా తస్యై దేవ్యై నమో నమః || 8. భ్రమ సిద్ధాంతరూపా యా తస్యై దేవ్యై నమో నమః | స్మృతిశక్తి జ్ఞానశక్తి బుద్ధిశక్తి స్వరూపిణీ || 9. ప్రతిభాకల్పనాశక్తిర్‌-యా చ తస్యై నమోనమః | సనత్కుమారో బ్రహ్మాణం జ్ఞానం పప్రచ్ఛ యత్ర వై || 10. బభూవ మూకవత్సోపి సిద్ధాంతం కర్తు మక్షమః | తదా- జగామ భగవా-నాత్మా శ్రీకృష్ణ ఈశ్వరః || 11. ఉవాచ స చ తాం స్తౌహి వాణీ మిష్టాం ప్రజాపతే | స చ తుష్టావ తాం బ్రహ్మా చాజ్ఞయా పరమాత్మనః || 12. చకార తత్ప్రసాదేన తదా సిద్ధాంత ముత్తమమ్‌ | యదాప్యనంతం పప్రచ్ఛ జ్ఞానమేకం వసుంధరా || 13. బభూవ మూకవత్సోపి సిద్ధాంతం కర్తు మక్షమః | తదా తాం చ స తుష్టావ సంత్రస్తః కశ్యపాజ్ఞయా || 14. తత శ్చకార సిద్ధాంతం నిర్మలం భ్రమ భంజనమ్‌ | వ్యాసః పురాణసూత్రం చ పప్రచ్ఛ వాల్మీకిం యదా || 15. మౌనీభూత శ్చ సస్మార తామేవ జగదంబికామ్‌ | తదా చకార సిద్ధాంతం తద్వరేణ మునీశ్వరః || 16. సంప్రాప్య నిర్మలం జ్ఞానం భ్రమాంధ్య ధ్వంసదీపకమ్‌ | పురాణసూత్రం శ్రుత్వా చ వ్యాసః కృష్ణకలోద్భవః || 17. తాం శివాం వేద దధ్యౌ చ శతవర్షం చ పుష్కరే | తదా త్వత్తో వరం ప్రాప్య సత్కవీంద్రో బభూవ హ || 18. తదా వేదవిభాగం చ పురాణం చ చకార సః | యదా మహేంద్రః పప్రచ్ఛ తత్త్వజ్ఞానం సదాశివమ్‌ || 19. క్షణం తామేవ సంచింత్య తస్మై జ్ఞానం దదౌ విభుః | పప్రచ్ఛ శబ్దశాస్త్రం చ మహేంద్ర శ్చ బృహస్పతిమ్‌ || 20. దివ్య వర్ష సహస్రం చ స త్వాం దధ్యౌ చ పుష్కరే | తదా త్వత్తో వరం ప్రాప్య దివ్యవర్షసహస్రకమ్‌ || 21. ఉవాచ శబ్ద శాస్త్రం చ తదర్థం చ సురేశ్వరమ్‌ | అధ్యాపితాశ్చ యే శిష్యా యైరధీతం మునీశ్వరైః || 22. తే చ తాం పరిసంచిత్య ప్రవర్తంతే సురేశ్వరీమ్‌ | త్వం సంస్తుతా పూజితా చ మునీంద్రై ర్మను మానవైః || 23. దైత్యేంద్రై శ్చ సురైశ్చాపి బ్రహ్మ విష్ణుశివాదిభిః | జడీభూత స్సహస్రాస్యః పంచవక్త్ర శ్చతుర్ముఖః || 24. యాం స్తోతుం కి మహం స్తౌమి తామేకాస్యేన మానవః | ఇత్యుక్త్వా యాజ్ఞవల్క్య శ్చ భక్తినమ్రాత్మ కంధరః || 25. ప్రణనామ నిరాహారో రురోద చ ముహుర్ముహుః | జ్యోతీరూపా మహామాయా తేన దృష్టా7ప్యువాచ తమ్‌ || 26. సుకవీంద్రో భవేత్యుక్త్వా వైకుంఠం చ జగామ హ | యాజ్ఞవల్క్య కృతం వాణీ స్తోత్రమేతత్తు యః పఠేత్‌ || 27. స కవీంద్రో మహావాగ్మీ బృహస్పతిసమో భవేత్‌ | మహా మూర్ఖశ్చ దుర్బుద్ధిర్‌-వర్షమేకం యదా పఠేత్‌ | స పండితశ్చ మేధావీ సుకవీంద్రో భవేద్ధ్రువమ్‌ || ఇతి శ్రీ దేవీ భాగవతే మహాపురాణే నవమస్కంధే సరస్వతీస్తవనం నామ పంచమోధ్యాయః | సరస్వతీ కటాక్ష సిద్ధిరస్తు | ఇదం మయాకృతం పారాయణం శ్రీసద్గురు చరణారవిందార్పణమస్తు |