يمكن ماكو أحد بگدي يعجبها الرجل إللي يحب بوضوح وما يخجل من حبه، ويگدر يعلن عن الإنسانة إللي يحبها بكل ثقة وبنفس الوقت يعرف يحفظ إلها مكانتها بالسر والعلن
و' حسين تقريبًا ' آني من أشد المعجبين بڤيديوهاته وتفكيره سابقًا، ويمكن لحد هسه أكو جوانب من تفكيره تعجبني جدًا
بس طريقة الحب المازوخية إللي دينشرها بالفترة الأخيرة حتى لو كانت بهدف إثارة الجدل ، بصراحة أشوفها أبدًا مو رومانسية وإنما منفّرة
وأكثر شي لفتني المقارنات إللي يسويها بينه وبين الشعراء والعشّاق القدامى، وكأنوا طريقة حبهم وحدها ما چانت كافية حتى تسلب گلب أي بنية من غير كل هالحچي والإستعراض
المرأة چانت تشوف مكانتها من تصرفاتهم، مو من كمية الإهانات إللي الرجل يوجّهها لنفسه حتى يثبت عشقه
آني أحب الرجل إللي يعرف يكون لين ويا الإنسانة إللي يحبها ويگدر يبين إلها ضعفه من غير ما يخجل ، لأن الثقة الحقيقية تخلي الإنسان يترك درعه گدام الشخص الصح
بس فرق كبير بين إنك تكشف ضعفك لإنسانة تحبها ، وبين إنك تصنع من ضعفك شخصية وتخلي التقليل من نفسك هو تعريفك للحب
1
September 5, 2026 1.9K 52
