𝗚𝗧𝗔 4 وحدة من ارهب وافضل الالعاب الي لعبتها بحياتي والاقوى… — 𝐆𝐇𝐎𝐒𝐓 𝐑𝐄𝐕𝐈𝐄𝐖𝐒 — TG.ME

𝗚𝗧𝗔 4 وحدة من ارهب وافضل الالعاب الي لعبتها بحياتي والاقوى بالسلسلة القصة: القصة تحجي عن حياة نيكو بيلك البائسة بعد ما كان بالجيش واثنين من الجنود خانوهم بمقابل مبلغ مادي وانقتلوا اصدقاء نيكو جميعهم والكثير من الجنود ماتوا گدام عيون بيلك وهو الوحيد الي نجا من هاي الحادثه وراها ب سنين ابن عم بيلك (رومان) الي عايش ب امريكا تحديدا مدينة ليبرتي (الي راح تصير بيها احداث اللعبه) كال لـ بيلك تعال لأمريكا يمي الڤلل والسيارات الرياضيه بختصار الحلم الامريكي فا بيلك راح لأبن عمه بطريقة غير قانونيه واكتشف انو ابن عمه يضحك عليه 🙏🏿💔 لكن جان عنده هدف ثاني نيكو بيلك الي هو الانتقام لان الاثنين الي خانوهم بالجيش هربوا ل امريكا فا بليك يريد ياخذ انتقامه الخلاصه: انت هنا راح تشوف معاناة نيكو بيلك وماضي الحزين وفقدان الامل والبواري المعدلة والسعي الى الانتقام ابسط شي اكوله عن القصة تحفه مدفونه الشخصيات: الشخصيات كلش عظيمه يعني مين ابدي . ابدي من جيكوب الصغير الي هو من اعظم الشخصيات الي باللعبه او من ديمتري اقوى شرير باللعبه او البيقورينو رئيس المافيا الايطالية. بختصار كلش عظيمه معلومة اضافية: اول ما تلعب اللعبة راح تلاحظ اللوان اللعبه والعالم باهته وميته. هذا يشوفك او يوريك العالم من منظور بيلك اسلوب اللعب او الـGameplay: العالم والمهام: العالم جدا كئيب لان يبين العالم من منظور "نيكو بيلك" بس مو يعني ميت بالعكس مره جنت ادور تكسي فا اجه واحد دعم بنت البنت هاجمته و واحد ثاني وراهم طلع مسدس وقتل البنت والرجال وشخص رابع موجود بعيد عنهم طلع مسدس وقتل الي قتل البنت والرجل حرفيا فوضى ومرات تلگه الشرطه تطارد شخص وكثير اشياء. المهام مو كلهن ممتعات يعني توصل لـ نص اللعبه تبدي تكثر المتعه بس مو يعني المهام الباقيه ممله لا. بس المهام ما خلتك تسكشف المدينة كلها وهاي سلبيه اشوفها لان المدينه حلوه حرامات ما نستكشفها كلها بـ مهام الفعاليات الجانبيه: الفعاليات الجانبيه تقدر تتصل على صاحبك وتروحون تلعبون بليارد او بولينق او اي لعبه ثانيه. ومرات صاحبك تلگا بشكل عشوائي بالماب وتساعد في مشكله(مهمة جانبيه) وسائل التنقل: وسائل التنقل هي (سيارات.دراجات.هليكوبتر.قارب.تكسي "يعتبر فاست ترافل") والسياقة جانت مو سيئة بعض الناس يكولون اسوء جزء من ناحية السياقة بس اني اشوف العكس مو اسوء جزء مابيها شي السياقة. القتال: طريقة القتال نفس اي جزء ثاني من "gta" وماكو تنوع قوي بالاسلحة عكس "gta5" بيها تنوع قوي بالاسلحة. بس يبقى حلو. واعتقد راح يزيد تنوع الاسلحة بالاضافتين الاضافات: وهي اضافتين 1.The Lost and Damned: وهي اول اضافة تحجي عن عصابة الدراجات الي اسمهم "The lost and Damed" وبطل الاضافة واحد من اعضاء العصابة جان يشتغل مع نيكو 2.The Ballad of Gay Tony: وهي اضافة ببطولة لويس الي تصير ويا مواقف مع نيكو وهو الحارس الشخصي لـ "Gay Tony" الي هو مدير ملاهي وهذن السوالف يعني هاي الاضافة تعيشك حياة الملاهي بشكل عام تقيمي للعبة: 9/10 لعبة جدٱ عظيمه ومستحيل انساها