mem:
وعليكم السلام حياك الله ياغالي
والله شوف، بعطيك السلبيات والايجابيات في تجربتي للموتر لمدة ٤ سنوات و ٩ اشهر
بخصوص الايجابيات :
- مواصفات رفاهيه جدا جميله
- مواصفات الامان جدا كويسه ومفيده
- متعه بالقيادة
- راسيه جدا بالخط وثابته ع المنعطفات
- بالنسبه لي المكيف عاجبني واشوفه بارد حتى في عز الصيف
- تصميم ملفت مع انه شوي قديم لكن مازال ملفت، وين ماتروح الناس تناظر ف موترك
- موتري ٦ سلندر، وصراحه عزم الموتر جيد جدا، صحيح بالقومه ثقيل بس لما المكينه تشيل وزن السياره ؟ استمتع بالعزم، يامكثر المواتر اللي جلدتها بالخطوط 🌚
السلبيات/الاشياء اللي غيرتها :
- العزل الارضي المفروض افضل من كذا..
- عزل الهواء برضو المفروض افضل، لكني انا موديل ١٦ مايجي قزاز مدبل، موديل ١٧ الدفعه الثانيه وفوق يجي مدبل ويمدحون عزل الهواء فيه
- الاناره صح انها زينون بس العدسه مو ذاك الزود
- فتره من الفترات قبل سنتين كان المكيف يصير حار وانا واقف بس ضبطوه الوكاله ع الضمان
- برضو فتره من الفترات مكيف السواق كان مايبرد والراكب يبرد، وتغيرت ثلاجة السواق ع الضمان
- قد علق علي الجالنط الالكتروني والسياره وقفت علي ٥ ايام.
- قبل ٨ او ٩ شهور طفت علي السياره فجاه وانا امشي فيها ع سرعة ٤٠، السبب كان طرمبة البنزين بس تغيرت ع الضمان
- السماعات للفئه حقتي ( بلاتينيوم ) جودتها كويسه بس صوتها مو قوي
وان شاء الله مانسيت شي.
February 3, 2020 4.2K 1
