МАЛИТИ Фатимӕ
НӔ БОЦ НАНА
(Задӕлески Нанайæн)
Темур-Алсахъ тохмондагæй
Æмпурста, размæ цудæй,
Седзæртæй дуйне байдзагæй,
Фиддæлти бастæ сугъдæй.
Сабийти цъес-цъес, кæунмæ
Хуцауи зæрдæ 'схъурмæ 'й:
Нæбал ес рæстæг лæуунмæ,
Тарст уодæй сæ каст дӕумæ 'й.
Сабийтæн, Нана, дæ зæрди
Иссирдтай лигъз, гъар бунат,
Задалескæмæ тухст сæрди
Исрохс кодтай уони над.
Силгоймаг уогæй карз тохи
Тугъдон лæгау фæразтай,
Ке дæ рагъи, кe дæ къохи
Дæхе зæнæгау хастай.
Цæрæг уод æй хуæрз имисæ –
Нæ уарзтай, Нана, кæун:
Нæ... Нæййес цæрди, зæгъисæ,
Сувæллонæн еске ун.
Дӕу дарунцæ сæ зæрдæбæл
Берæ ӕности адæн,
Нæ боц Нана, цъæх зæлдæбæл
Нарти кæнти 'й дæ бадæн.
Нæ зӕрдити хуарз ӕмгарӕ
Нæ нанай цирагъ цæфсæд,
Уой алкедæр æ хæдзари
Æхе мадау имисæд.
МАЛИТИ Фатимӕ
1 июля 2026 г
7
5August 3, 2026 145 1 1
