تره الحياة تريد الصابرين، تريد الشجعان. فلا تكعد تحجي “ما ألحك، ما ألحك”… لا! ألحك، ولو تركض ركض، حته لو تقرأ سطر وره سطر، المهم لتوگف !گوم! لا تخلي الكسل يغلبك، لا تخلي اليأس يعمي عيونك .كل يوم، كل ساعة، كل دقيقة دراسة، تقربك للنجاح{إن مع العسر يسرا}وأهم شي لا تيأسون{ولا تيأسوا من روح الله إنه لا ييأس من روح الله إلا القوم الكافرون} يعني طول ما قلبك متعلق بالله، لا تفقد الأمل أبد.شدوا حيلكم، لتباعون وره ، خلي عيونكم ليگدام على الهدف. گوموا ، شدوا حيلكم، لا تأجلون قرايتكم، وإن شاء الله، الكل يفرح ويبيض وجهه.توكلوا على الله، وخلي نيتكم صافية، وإن شاء الله النجاح حليفكم.هسه وقت الجد، مو وقت نكعد نتحسر عاللي راح!{إن الله لا يغير ما بقوم حتى يغيروا ما بأنفسهم} يعني إذا تريد تتغير، گوم غير نفسك، شد حيلك، لا تنتظر غيرك يحفزك!تره الفشل مو عيب، العيب إن تبقى واقف بمكانك تبچي عالفرص اللي ضاعت!النجاح مو ل اي احد، النجاح للي يتعب،يصبر،يتحمل،وميسخت !{والذين جاهدوا فينا لنهدينهم سبلنا}يعني أنت بس جاهد، وإنتظر من ربك الفرج والتوفيق.الفاشل بس بالنية فاشل والناجح، يحفر بالصخر علمود ينجح.توكلوا على الله، شدوا حيلكم، لا تخافون، الله وياكم، والنجاح قريب أقرب مما تتصورون.وهاي الأيام… يا تحرقها قراية، يا تتحسر عليها ندم!وأنت تستاهل تفرح، تستاهل ترفع راسك!يلا شدو الهمة… ولا تنسون:“ومن يتوكل على الله فهو حسبه. لا تنسونا بالدعاء🩵
22
6
