بسبب ناس هواي تفهمك انُ الحياة الي انت بيها فاشلة وهذا الامر ما مقتصر على فئة قليلة وانما على فئة كلش جبيرة وين ما تروح تلگاهم بالإنترنت بالواقع وبكل مكان وكأنوا صرنا عايشين بوهم من نوع ثاني وهو وهم الحياة الي لازم تعيشها برفاهية وبملكية عالية وانت گاعد ببيتك وعندك سيارتك وما يخلص الشهر غير وانت مسافر اربع مرات او خمسة..
تدرون شنو من نباوع للموضوع من زاوية ثانية نشوف بيها هواي تفاصيل وحده من هاي التفاصيل الي ماخذه جزء كلش جبير وهي سبب انتشار هذا المرض والي يرجع لتسبب بتفشي هو احنا ذاتنا سواء جنا ندري بالي جاي نسوي او ما ندري بالحالتين الحياة ما تحمي المغفلين(ونعوف القانون بحالة)هذا ما يستبعد تأثير السلطة والي تسوي اشكال من الخراب لكن بذات الوقت لمن يكون الاساس البشري تعبان اكيد ما راح تحقق اي شي ناجح والتوضيح كلش بسيط اليوم جيب اي سيارة وانطيها لشخص ما يعرف يسوق حتى وان كانت تمشي بوحدها هم راح يطلع راسه من الجامة ويغلط ويفشر على الي بالشارع لان فات ومحد دارة بال فحب يستعرض عظلاته وبلش يفشر ويغلط،،
للحظات تحس ربط الموضوع مو نظامي بس الفكر تجي من تنشأة انسان بشكل صحيح ووعي هذا الانسان بأنسانيته واهمية واللزامية محافظة وتحسين احترامة ومبادئه وسلوكياته واخلاقة وكلشي يخصه مو علمود الاخرين بقدر ما هو لنفسه ولحياته والواقع وما يعاش فيه ما ينطينا الحق بأنوا انسوي امور لا اخلاقية حتى نحصل غاياتنا لان احنا بهاي الحالة انطينا لنفسنا مبرر حتى نرتكب المحظورات تحت بند وعنوان كلها جاي تسوي هيج او اني ربي وحد او نريد نعيش وغيرها من الامور.
قناعاتنا وبساطتنا ما تعني نعيش واحنا مذلولين او نعيش واحنا بلا كرامة او نعيش واحنا نستعطي لقمة العيش الي تمشي بيها يومنا او اهتمامنا بنفسنا او محاولتنا صنع اشياء تخصنا وتخلي منا اشخاص على مستوى معيشي عالي هاي الامور كلها طبيعية وكل شخص من حقه ان يمتلكها وان يكون عنده طموح واصرار ان يحققها بس الي مو طبيعي وبالنسبة لمنطق العقل جريمة لا تقل عن تحويل الانسان الى حيوان ونفي اي بند وعنوان يحمل مسمى الانسانية لمجرد ناس اشوفها گدامي كامشة التلفون وتشمر على غيرها وتنكل بي لان ما عنده سيارة او ما عنده بيت او ما عنده فلوس متلتلة بالبنگ ولازم يحقق كلشي وعمره بعده عشرين الى اربعة وعشرين سنة، الموضوع مو استبعاد للفكرة ارجع واكرر عادي اكو ناس تنجح وتحقق بس هذا ما يعني لازم كلنا نصير نفس الشي او كلنا نملك نفس الشي ذات الامر مشابه للجمال كل انسان اله فد ميزة خاصة مو بالضرورة كل البشر بيضان او كل البشر عدهم گصة شعر حلوة او كل البشر عدهم غمازات على سبيل المثال يعني ماكو شي اسمه كل البشر لان احنا ببساطة اوك مخلوقين من طين واحد وسواوسية بس كلمن وشخصة ونفسه وروحه وكيفية الصياغة الي يكون بيها هو نفسه الي ما ينطي اي اقرار بالتشابه، المساواة لا تعني التشابه بل تعني العدالة بين البشر وانُ الكمال لله سبحانه وتعالى ومثل ما اني عندي شغلة زينة وشغلة قليلة او نقص غيري نفس الشي الشغلة الي عندي نقص او قلية عنده زينة وهكذا.
لا احد يحبذ الصراحة والاعتراف كون الكثير منا صار يفضل تطميس هويته البشرية والانسانية ورفع راية الحيوان الذي يعيش بلا اي عقل..
