حسب كلام أفضل كوهستاني ، كال بعد ماانتشر هذا الفيديو ونعقد مجلس الجيرگا هذا تم جمع الاربع نساء من منازلهم ، وحبسهم بغرفة صغيرة جداً اشبه بخزانه الملابس لحد ما يتم تقرير العقاب بحقهم ، الغرفة هاي كُل ليلة بيه چانت كابوس بالنسبة الهم چان غرفة صغيرة كلش حتى صعب واحد يكعد بيه فچانوا مجبورين يوگفون على رجليهم طول الوقت ، طبعاً الاربع نساء ذولي مچانوا وحدهم، چان وياهم وحده خامسة اتضح وأثبت تورطه وياهم بنفس الموضوع وانو چانت موجودة وياهم بذاك اليوم بس ما بينت بالتصوير ، واكتشفوا انو هي الي نظمت هذا اللقاء ، ومن بدأ كابوس الخمس بنات داخل هاي الغرفة بدأو يطلعونهم كل يوم الصبح ويرشونهم بمي حار مغلي ، لدرجة انو جلدهم كُله بدأ يتقرح ويلتهب ويحترق ، وبالليل هم چان ينفتح عليهم باب الغرفة وينرمي عليهم جمر مشتعل وفحم وهم داخل الغرفة، لحد ما يتغطى جسمهم كله بالجمر والفحم ، تم تعذيبهم بشكل وطرق يصعب على العقل البشري تصوره، لحد 2012/5/30 نعقد مجلس الجيرگا من جديد ساعة 2 بعد منتصف الليل حتى يتأخذون القرار الاخير بحقهم ونحكم عليهم بالاعدام ، ومن نفتحت باب الغرفة الضيقه هاي لاخر مرة وبدأو يطلعون وحدة وحدة من النساء الخمسة ويتم ذبحهم ، تم قتل الخمسة بدم بارد .
July 14, 2026 546 3 2
