Bugun 2-oktabr kuni Oliy Malis Senatining 20-yalpi majlisida Bolalarni zo‘ravonlikdan himoya qilishni takomillashtirishga oid Qonun ma’qullandi.
Qonun bilan endilikda bolalarga nisbatan zo‘ravonlikka qarshi qonunchilik yanada qat’iylashtiriladi.
Jumladan:
14 yoshga to‘lmagan bolaga jinsiy zo‘ravonlik qilgan shaxsga nisbatan — 25 yilgacha yoki umrbod qamoq jazo qo‘llaniladi.Ayrim o‘ta og‘ir jinoyatlarda javobgarlik muddati o‘tmaydi va jazodan muddatidan ilgari shartli ozod qilish imkoni cheklanadi.Bolani zo‘ravonlikdan himoya qilmagan, parvarish majburiyatini bajarmagan yoki bolalarga zarar yetkazgan shaxslarga javobgarlik kuchaytiriladi.
Bolalar bilan ishlaydigan xodim zo‘ravonlik qilsa, ishidan bo‘shatiladi va kelgusida bolalar bilan ishlashiga cheklov qo‘yiladi. Voyaga yetmaganlarni g‘ayriijtimoiy xatti-harakatlarga jalb qilganlik va ularga og‘ir shikast yetkazganlik uchun ham jazo kuchaytiriladi.Bolalar ombudsmanining bu borada pozitsiyasi: bolalarga nisbatan og‘ir jinsiy jinoyatlarni (nomusga tegish, jinsiy ehtiyojni zo‘rlik ishlatib g‘ayritabiiy usulda qondirish) sodir etgan shaxslarga nisbatan umrbod ozodlikdan mahrum qilish jazosi joriy etilishi zarur.
🚨Zero, bunday qabih jinoyat oqibatida bolaga yetadigan ziyon darajasi va uning jamiyat uchun ijtimoiy xavfliligi aslida odam o‘ldirishdan kam emas.
Bola jismonan omon qolsa-da, uning ruhiyati, bolaligi va kelajagi umrbod jarohatlanadi.
Mazkur pozitsiya Bolalar ombudsmanining Parlamentga 2025-yil yakunida kiritgan Maxsus ma’ruzasida ham tahlillar asosida bayon etilgan.
