Flash Practicals 06 - Tips
ඝූර්ණ පිලිබද මූලධර්මය භාවිතයෙන් වස්තුවක ස්කන්ධය නීර්ණය කිරීම
අවශ්ය ද්රව්ය හා උපකරණ
🔅මීටර් කෝදුවක්, පිහි දාරයක්, 50g පඩියක් වීදුරු, මූඩියක් හෝ ගල් කැබැල්ලක් (ස්කන්ධය 50g පමණ වන), නූල් කැබැල්ලක් සහ ලී කුට්ටියක්
ක්රමවේදය
🔅ලී කුට්ටිය(ආධාරකය) මත පිහි දාරය තබා මීටර් කෝදුව තිරස්ව සංතුලනය කරන්න
🔅මීටර් කෝදුව එම පිහිටීමේම තබාගෙන 50g පඩිය සහ නොදන්නා ස්කන්ධය මීටර් කෝදුවේ දෙපස නූල් කැබලි මගින් එල්වන්න
🔅නැවත මුළු පද්ධතියම තිරස්ව සංතුලනය වනතුරු එම ස්කන්ධ එල්වූ නූල් කැබලි වලට මීටර් කෝදුවේ ගුරුත්ව කේන්ද්රයේ සිට ඇති දුර(x හා y) වෙනස් කරන්න
🔅එලෙස සංතුලන අවස්තාව ලබාගනිමින් තෝරාගත් x අගයන් 6කට පමණ අනුරූප y අගයන් මැනගෙන x ඉදිරියේ y ප්රස්තාරගත කරන්න
විකල්ප ආකාර
🔅නොදන්නා ස්කන්දය, 50g ස්කන්දය හා මීටර් රූල සපයා ඇති විට මීටර් රූලේ ගුරුත්ව කේන්ද්රය නොවන ස්ථානයකින් වුවද පද්ධතිය සංතුලනය කළ හැක. එහිදී ගුරුත්ව කේන්ද්රය සිට 50g ස්කන්දයට හා නොදන්නා ස්කන්දයට ඇති දුර (x හා y) වෙනස් කරමින් ප්රස්තාරයක් ඇදි විට එහි අනුක්රමයෙන් නොදන්නා වස්තුවේ ස්කන්දයද අන්තඛණ්ඩය මගින් මීටර් රුලේ ස්කන්දයද ගණනය කළ හැක
🔅මීටර් රූල හා 50g ස්කන්දය පමණක් දී ඇති විට පිහිදාරය දෙපස 50g ස්කන්දය හා මීටර් රූලේ ගුරුත්ව කේන්ද්රය පිහිටන පරිදි සංතුලනය කරමින් පිහිදාරය සිට මීටර් රුලේ ගුරුත්ව කේන්ද්රයටත්, 50g ස්කන්දයටත් ඇති දුර මැන ඒ ඇසුරින් ඝූර්ණ ගෙන මීටර් රුලේ ස්කන්දය සෙවිය හැක
විශේෂ කරුණු
🔅නොදන්නා ස්කන්දය හා 50g පඩියේ ස්කන්දය එකිනෙකට ආසන්න අගයක් වීම යෝග්ය වේ. එවිට හොද විසුරුමක් සහිත ප්රස්තාරයක් ලබා ගත හැක.
🔅ස්කන්ද එල්වීමට යොදාගන්නා නූල් කැබලි සිහින් හා හැකිතරම් සැහල්ලු වීම උචිත වේ. නූල් කැබලි මහත වු විට එය මීටර් රූලේ ස්පර්ශ කරන පරිමාණ කොටස හදුනාගැනීම අපහසු වන අතර නූල් සැහැල්ලු නොවූ විට නූල් කැබලි මගින් ඇති කරන ඝූර්ණයද සැලකිය යුතු වේ.
🔅පරීක්ෂණයේදී භාවිත කරන නූල් ඇඹරුම් නූල් නොවිය යුතුය. නැතහොත් තන්තු ඇඹරීමට ලක් වී තන්තුවේ ආතතිය ස්කන්දවල බරවලට වඩා වෙනස් වීමට ඉඩ පවතී.
🔅පරීක්ෂණය සිදු කිරීමේදී මනින සංතුලන දිගවල් ප්රතිශත දෝෂය 1% නොඉක්මවන ලෙස මැනිය යුතුය. බොහෝ මීටර් රූල්වල ප්රතිශත දෝෂය 1% නොඉක්මවීමට මනින දිගවල් 10cm ඉක්මවිය යුතුය
Quality Physics
අරුණ පල්ලේකුඹුර
0769996161
