انـا بجبهة غيابك ضايعتلي سنين
حرب من طَرف واحد بيها متبعثر
ومثل الجندي يومية التحق بالليل
ما تنطيني اجازة همومك تحيّر
واتصوّب، واطيح، وينزف الالبوم
وارد من صورتك لفراشي متأسر
تعال الليل ما يعبر
شلون انساك؟
احبك من الابهر واعبد السوّاك
لو شمرة فراش البي مرض يعدي
يشمروني ولا فرگاك
لو ماي الترشة امي
وراي الصبح من اطلع
يلمونة ويغسلوني ولا فرگاك
تريد اتعرف بية شلون چان جفاك؟
چَنّي امّدد بسدية وهلي من حالتي ملّوا
عدل وتعاملوا عد راسي وي دفان
واعله الفاتحة اتفقوا
كل ذني ولا فرگاك
انا ماردت اموت اعليك
اموت وياك ..
